„Ég þarf ekki að vera kóngurinn alls staðar“

„Við fengum nýjan hund inn á heim­ilið,“ segir Arnar Gunn­laugs­son, þjálf­ari karla­liðs Víkings í knatt­spyrnu, aðspurður hvað hann sé búinn að vera að gera síð­ustu vikur. „Ég fékk það hlut­verk að siða hann aðeins til.“

Á síð­asta tíma­bili leiddi Arnar lið Víkings til sig­urs í Bestu deild­inni og Mjólk­ur­bik­arnum. „Þetta var búið að vera langt og strangt tíma­bil, mikil pressa,“ segir Arnar sem tók sér pásu frá sam­fé­lags­miðlum eftir síð­asta leik­inn. „Ég slökkti á sím­anum í tvær vikur og svar­aði engum tölvu­póstum.“ Arnar nýtti tím­ann til að viðra nýja hund­inn og sinna fjöl­skyld­unni.

Umhverfið

Arnar ólst upp á Akranesi og spil­aði fyrir knatt­spyrnu­fé­lagið ÍA á sínum upp­vaxt­ar­árum ásamt tví­bura­bróður sínum, Bjarka Gunn­laugs­syni. Þeir héldu báðir utan í atvinnu­mennsku og spil­uðu fyrir íslenska lands­liðið. 

Eftir atvinnu­mennsku tóku við nokkur ár í við­skipta­líf­inu en á end­anum kall­aði fót­bolt­inn Arnar heim á ný. Hann tók við hlut­verki aðstoð­ar­þjálf­ara …