Ásmundur Einar Daðason, mennta- og barnamálaráðherra, hefur birt áform um að leggja fram frumvarp til nýrra heildarlaga um skák í samráðsgátt stjórnvalda. Samhliða er stefnt að því að núgildandi lög um launasjóð stórmeistara í skák og lög um Skákskóla Íslands verði felld úr gildi. 

Í áformaskjalinu segir að helstu breytingar frá eldra fyrirkomulagi verði þær að stórmeistarar í skák verði ekki opinberir starfsmenn og nýtt fyrirkomulag um laun eða styrki til stórmeistara í skák verði tekið upp þar sem horft verði í meira mæli til einstakra verkefna og framgangs þeirra. „Þá verður horft til þess möguleika að styrkja unga og upprennandi skákmenn, sem stefna að alþjóðlegum árangri, en hingað til hafa eingöngu þeir sem hlotið hafa nafnbótina stórmeistari fengið greiðslur úr ríkissjóði.“ 

Í mati á fjárhagslegum áhrifum breytinganna, sem eru áætluð engin, segir að lög um launasjóð stórmeistara í skák séu „gamaldags og tæplega viðeigandi í nútíma stjórnsýsluumhverfi. Þá standa …