Þegar morð á fjórum ung­mennum í háskóla­bænum Moscow í Idaho síð­asta vetur vakti heims­at­hygli, að minnsta kosti hjá áhuga­fólki um sönn saka­mál (e. true crime), fann Inga Krist­jáns­dóttir á sér að hún myndi fara og upp­lifa aðstæður á eigin skinni. „Ég fann strax að ég myndi fara þangað, ég fékk ein­hverja til­finn­ingu, ég verð að fara þangað, ég verð að sjá lengd­ina á milli húsa, ég verð að sjá þessa götu sem hann á að hafa keyrt, ég verð að sjá aftan á húsið. Ég veit það ekki, þetta var ótrú­lega sterk til­finn­ing,“ segir Inga, sem heldur úti einu vin­sælasta saka­mála­hlað­varpi á Íslandi, Illverk. 

Inga hefur gefið út yfir 500 þætti um hin ýmsu saka­mál, nær ein­göngu banda­rísk, og finnst henni fátt meira gef­andi en að kanna ofan í ill­verk ann­arra. Saka­mála­hlað­vörp, …