Rekstrartekjur útgáfufélagsins Birtings jukust um rúmar ellefu milljónir króna í fyrra og voru 231 milljón króna. Auk þess fékk félagið 13,7 milljónir króna í fjölmiðlastyrk úr ríkissjóði en það fékk engan slíkan á árinu 2020. Rekstrartap Birtings dróst verulega saman og var 1,8 milljónir króna en hafði verið 74,2 milljónir króna á árinu 2021 og 200 milljónir króna árið 2021.
Þetta kemur fram í ársreikningi Birtings vegna ársins 2022.
Samkvæmt honum varð 33,2 milljón króna hagnaður af rekstrinum en hann helgast að stærstu leyti af því að skuld upp á 44,5 milljónir króna var afskrifuð á árinu 2022. Sú afskrift var færð til tekna í reikningi félagsins. Alls voru 135,2 milljónir króna af skuldum Birtings afskrifaðar á árinu 2021 og því er búið að afskrifa 179,7 milljónir króna á tveimur árum. Skuldin sem hefur verið afskrifuð var seljendalán frá fyrrverandi eiganda Birtings sem veitt var þegar Sigríður Dagný Sigurbjörnsdóttir, núverandi …
Athugasemdir