Á skrifstofu rækjuvinnslunnar Hólmadrangs hitti Heimildin stjórnarformann og rekstrarstjóra fyrirtækisins, sem lýstu lífróðri undanfarinna ára. Markaðir, sem voru erfiðir fyrir, hafa algjörlega hrunið á allra síðustu árum og þar spila margir þættir inn í. Rækjan einfaldlega selst ekki og nú eru allar frystigeymslur á Hólmavík fullar, auk þess sem rækja þaðan hefur verið flutt til geymslu á Akureyri.

Viktoría Rán Ólafsdóttir, stjórnarformaður fyrirtækisins, kom fyrst að rekstri rækjuvinnslunnar árið 2016, er hún tók við sem kaupfélagsstjóri hjá Kaupfélagi Steingrímsfjarðar, sem átti helmingshlut í Hólmadrangi á móti FISK Seafood, dótturfélagi Kaupfélags Skagfirðinga. Allar götur síðan hefur reksturinn verið þungur.

„Ég kem hérna 1. maí 2018 og fljótlega upp úr því er ástandið orðið mjög slæmt. Árin 2016 og 2017 eru öll merki á markaði mjög neikvæð og við náðum okkur í rauninni aldrei upp úr þeim dal sem kemur þar,“ segir Sigurbjörn Rafn Úlfarsson, rekstrarstjóri vinnslunnar. Félagið fór í greiðslustöðvun um …