Hafdís Gunn­ars­dóttir og Hjörtur Númason státa sam­an­lagt af 72 ára starfs­reynslu hjá rækju­vinnsl­unni Hólma­drangi og for­verum fyr­ir­tæk­is­ins á Hólmavík. Hafdís hefur starfað þar í 22 ár og Hjörtur í hálfa öld.

„Ég er búinn að vera þarna síðan ég var 15 ára. Og ég er 65 ára, þannig að þetta eru orðin nokkur ár,“ segir Hjörtur, sem hefur þó ekki starfað alla tíð í rækju­vinnsl­unni, heldur einnig á tog­ara sem áður var gerður út frá Hólmavík á vegum vinnsl­unnar. 

Blaða­maður sett­ist með þeim í gróð­ur­hús í garði þeirra á fal­legum sum­ar­degi fyrir skemmstu og ræddi málin. Þau segja lokun rækju­vinnsl­unnar ekki hafa komið á óvart, þannig séð. Þau töldu þó lík­legra að gripið yrði til fram­leiðslu­stopps um lengri tíma, fremur en að vinnsl­unni á Hólmavík yrði var­an­lega hætt.

„Það hefur verið tap­rekstur og þetta hefur gengið illa,“ segir Hjörtur, sem verið hefur vél­stjóri rækju­vinnsl­unnar. …