Hvernig er líf sem er þess virði að lifa? Þessari heimspekilegu spurningu hafa háskólaprófessorarnir Matthew Croasmun og Ryan McAnnally-Linz velt fyrir sér stóran hluta af lífinu og síðustu níu ár hafa þeir leitað svara með nemendum við Yale-háskóla. Áfanginn, Life Worth Living, er opinn öllum grunnnemum við háskólann og er sá vinsælasti í rúmlega 300 ára sögu skólans. Í vor gáfu þeir út samnefnda bók sem byggir á áfanganum og er nokkurs konar leiðarvísir að því sem mestu máli skiptir í lífinu. 

En hvert er svarið við stóru spurningu lífsins? Hvernig er líf sem er þess virði að lifa? Blaðamaður settist niður með Ryan og Matthew fyrir skömmu þegar þeir voru staddir á Íslandi til að kenna útgáfu af áfanganum á námskeiði við Háskóla Íslands fyrir fagfólk og kennara sem hafa áhuga á að kenna Life Worth Living-áfangann í sínum háskólum en til stendur að innleiða áfangann í …