Hver er afstaða þín til hval­veiða? 

„Nei.“

Svar Sig­ur­jóns Sindra Skjald­ar­sonar er ein­falt. Hann and­varpar þegar blaða­maður spyr út í ákvörun ráð­herra um að stöðva hval­veiðar tíma­bundið og seg­ist ekki vita nóg um málið. Hann hefur ekki smakkað hval­kjöt og getur ekki hugsað sér að gera það. „Nei, ég er góður þar sko.“   

„Nei“Afstaða Sig­ur­jóns Sindra Skjald­ar­sonar til hval­veiða er nei­kvæð.

Mynd: Heim­ildin / Davíð Þór

Hvalaskoðun ekki stórfengleg sjón

Rob Smedema, hol­lenskur ferða­maður, er frekar hlut­laus þegar kemur að hval­veiðum. „Auðvitað var það mik­il­vægur iðn­aður, tekju­lind. Ég held að það séu breyttir tímar en eftir því sem ég best veit eru nokkur lönd í heim­inum sem hafa ekki enn skrifað undir Haf­rétt­ar­sátt­mála Sam­ein­uðu þjóð­anna sem bannar hval­veiðar, eitt þeirra er Ísland.“

Hval­veiðar sem slíkar höfðu ekki áhrif á ákvörðun hans þegar kom að því að  ferð­ast til Íslands? „En auð­vitað vissum við að það er eitt­hvað slíkt á Íslandi.“ 

Rob hefur ekki smakkað hval­kjöt en hann hefur farið í hvala­skoðun, á Norð­ur­landi, og lík­aði það vel.  „Við sáum nokkra hnúfu­baka en þetta var ekki stór­feng­leg sjón, þeir flutu bara um, ekki eins og flottu mynd­irnar sem þú sérð þar sem þeir stökkva upp úr sjónum. Ég bjóst ekki við því. Það voru tveir hnúfu­bakar og þetta var indælt, þetta var í firð­inum og  veðrið var gott og þetta var ánægju­leg upp­lifun.“

Breyttir tímarHol­lend­ing­ur­inn Rob Smedema segir hval­veiðar hafa verið mik­il­vægan iðnað og tekju­lind en nú eru breyttir tímar.

Mynd: Heim­ildin / Davíð Þór

Er ekki komið nóg? 

Gunnar Steinn Aðal­steins­son hefur verið búsettur í Noregi stóran hluta ævi sinnar og afstaða hans gagn­vart hval­veiðum er frekar hlut­laus. „En ég er ánægður að þetta er búið,“ segir hann um ákvörðun ráð­herra að stöðva hval­veiðar tíma­bund­irð. Hann gerir þó athuga­semdir við fyr­ir­var­ann.  

„Ég hef meiri áhyggjur af fólki sem er að starfa við þetta, hvort að þau missi vinn­una sína og eru búin að plana sum­ar­ferðir eða ráða fólk inn fyrir sum­arið.“ Spurn­ingin er samt sem áður sið­ferði­leg, að hans mati. „Er ekki komið nóg?“ 

Smakkaði hval­kjöt í brúð­kaupiGunnar Steinn Aðal­steins­son hefur einu sinni smakkað hval­kjöt. Það var í brúð­kaupi í Noregi, en fannst það ekk­ert sér­stakt.

Mynd: Heim­ildin / Davíð Þór

Gunnar hefur smakkað hval­kjöt. Einu sinni. Í Noregi. „Það var ekk­ert sér­stakt sko, ekki fyrir minn smekk.“ Þá hefur hann einu sinni farið í hvala­skoðun sem hann hafði gaman af. „Einu sinni þegar ég var krakki, það var mjög gaman, spenn­andi.“

Hefur ekki smakkað hvalkjöt

Arna Katrín Dav­íðs­dóttir seg­ist ekk­ert vita um hval­veiðar og því geti hún ekki tekið afstöðu til þeirra. Hún hefur ekki smakkað hval­kjöt. „Og ég plana ekki að gera það.“ Hún hefur einu sinni farið í hvala­skoðun og segir það hafa verið mjög fínt. Aðspurt hvort hún hafi séð marga hvali segir hún: „Svona já og nei.“

Ekki á plan­inu að smakka hval­kjötArna Katrín Dav­íðs­dóttir veit lítið um hval­veiðar en hefur einu sinni farið í hvala­skoðun sem var mjög fínt.

Mynd: Heim­ildin / Davíð Þór

Sá Hval 9 fyrst fyrir 37 árum

Bernhard Wessling kom fyrst til Íslands fyrir 37 árum og var að velta fyrir sér hvort hval­veiði­skipið Hvalur 9 væri það sama og hann sá þá, þegar blaða­maður nálg­ast hann í grennd við hval­veiði­skipið sem liggur nú við bryggju. Svo reynd­ist vera þar sem Hvalur 9 er smíðað árið 1952. 

Bernhard og eig­in­kona hans, Karin, setj­ast á bekk og ræða við blaða­mann. Karin afþakkar hins vegar spjall þar sem hún segir ensku­kunn­átt­una tak­mark­aða en hún þekkir umræðu­efnið vel. Hjónin eru miklir nátt­úru­vernda­sinnar. „Ég er alfarið á móti hval­veiðum. Ég er í nátt­úru­vernd, ekki hvað varðar hvali, heldur tran­fugla og fugla og nátt­úru­vernd almennt. Hvalir hafa verið nán­ast útdauðir og hvalir gegna stóru hlut­verki í vist­fræði, í vist­kerfi sjávar, við ein­fald­lega verðum að vernda þá og við þurfum ekki að veiða þá. Og Ísland þarf ekki að veiða þá.“

Nátt­úru­vernd­ar­sinnarBernhard Wessing og Karin Muras eru þýsk hjón á ferð um landið. Þau eru miklir dýra- og nátt­úru­vernd­ar­sinnar og hefur Bernhard gefið út bók um tran­fugla, fugla­teg­und sem lítið er vitað um.

Mynd: Heim­ildin / Davíð Þór

Það ætti ekki að koma á óvart að Bernhard hefur ekki smakkað hval­kjöt. En þegar hann var hér á landi fyrir 37 árum með sonum sínum dreymdi þá um að sjá lunda. Þeim varð hins vegar ekki að ósk sinni, að sjá lif­andi lunda. „Við vorum að leita að lunda. Síðasta dag­inn komum við til Reykja­víkur og fórum á veit­inga­stað og það var lundi á mat­seðl­inum og strák­arnir mínir fóru að gráta þannig við vildum ekki borða þá. Það sama á við um hval­ina.“  

Hrefnan var með eitthvað vesen

Berglind Guðný Kaaber og Val­gerður Gréta Gröndal eru báðar mót­fallnar hval­veiðum og fagna ákvörðun ráð­herra um frestun hval­veiða. „Já bara þótt fyrr hefði verið, bara stór­kost­legt,“ segir Val­gerður. 

Berglind hefur ekki smakkað hval­kjöt en það hefur Val­gerður gert. „Já, mér lík­aði það ekki. Það var hrefna, ein­hvern tím­ann um árið, sem þurfti að leggja í mjólk, hún var með eitt­hvað vesen. Þetta var samt vont.“  

Berglind hefur hins vegar farið í hvala­skoðun. „Já, ég hef gert það. Það var bara eig­in­lega sigl­ing, ég sá alveg sporð­inn á honum en þetta var bara sigl­ing.“

Stór­kostelgt að fresta hval­veiðumBerglind Guðný Kaaber og Val­gerður Gréta Gröndal fagna ákvörðun ráð­herra. Berglind hefur farið í hvala­skoðun og Val­gerður hefur smakkað hval­kjöt. Hvala­skoð­unin var eins og hver önnur sigl­ing og hval­kjötið var ekki gott.

Mynd: Heim­ildin / Davíð Þór

Hissa á hvalkjötsáti

Merle Fauck, ferða­maður frá Þýska­landi, er ekki hlynnt hval­veiðum. „Við viljum heldur halda þeim lif­andi. En ég sá að það er hægt að kaupa hval­kjöt, er það rétt?“ Sjálf getur hún ekki hugsað sér að leggja slíkt til munns. 

Vonast til að sjá stökkvandi hvaliMerle Fauck, ferða­maður frá Þýska­landi, var spennt fyrir hvala­skoðun en furð­aði sig á því að hægt er að kaupa hval­kjöt og og borða það.

Mynd: Heim­ildin / Davíð Þór

Hún var hins vegar á leið­inni í hvala­skoðun með vin­konu sinni. „Við erum að fara í kvöld að skoða þá, ég vil frekar gera það,“ segir Merie, en þær voru bjart­sýnar á að sjá hell­ing af hvölum í góða veðr­inu. „Þegar þeir synda og stökkva. Við von­umst til þess.“