Kaupmáttur ráðstöfunartekna íslenskra heimila dróst saman um 4,8 prósent á fyrsta ársfjórðungi ársins 2023, þrátt fyrir að tekjur hafi hækkað verulega. Sú hækkun er að mestu leyti rekjanleg til þeirra kjarasamninga sem þorri almenna vinnumarkaðarins skrifaði undir í lok síðasta árs. Þá hækkuðu laun þeirra sem samningarnir náðu til frá 1. nóvember 2022. Alls hækkuðu laun um 13,4 prósent á einu ári. Samt dróst kaupmátturinn saman.
Ráðstöfunartekjur eru þeir peningar sem standa eftir þegar búið er að draga skatta og önnur gjöld frá launum viðkomandi og kaupmáttur þeirra lýsir því hvað hver getur keypt fyrir þær tekjur. Þegar kaupmátturinn dregst saman þá getur viðkomandi keypt minna fyrir krónurnar sem hann hefur til ráðstöfunar í hverjum mánuði.
Ástæða þess að íslensk heimili fá minna fyrir krónurnar sínar er sú að útgjöld þeirra hækka mun hraðar en tekjurnar um þessar mundir, enda verðbólga búin að vera í námunda við tveggja stafa tölu …
Athugasemdir