„Við keyptum eign­ina okkar í fyrra og miðað við for­sendur í greiðslu­mati, verð­bólgu á kaup­tíma sem og upp­haf­lega vexti sem lánin báru var upp­haf­leg mán­að­ar­leg greiðslu­byrði um 300.000 krónur. Í dag er hún um 388.000 krónur,“ segir Edda Þöll Kentish, sem eins og margir Íslend­ingar upp­lifa breyttar aðstæður vegna verð­bólgu og síhækk­andi vaxta. 

Til að kaupa íbúð­ina tóku þau blandað íbúða­lán, það er bæði verð­tryggt og óverð­tryggt. Hvor hluti skipt­ist svo í grunn­lán og við­bót­ar­lán þannig í heild­ina voru fjögur lán tekin til að fjár­magna íbúð­ar­kaup. Óverð­tryggðu vext­irnir voru í upp­hafi 4,65 pró­sent á grunn­lán­inu og 5,75 pró­sent á við­bót­ar­lán­inu. Vext­irnir hafa tekið breyt­ingum í takt við vaxta­hækk­anir Seðla­bank­ans og í dag eru þeir 9,25 pró­sent og 10,25 pró­sent. „Ég reikna fast­lega með því að vext­irnir eigi eftir að hækka aftur eftir síð­ustu stýri­vaxta­á­kvörðun Seðla­bank­ans,“ segir Edda. Á verð­tryggða grunn­lán­inu eru 1,5 pró­sent vextir og áfallnar verð­bætur 2,6 millj­ónir …