„Ég hef aldrei gert neitt annað frá því ég man eftir mér. Maður var bara svona krakki sem var góður í að teikna sem gerir mann reyndar ekk­ert endi­lega að betri mynd­list­ar­manni. En þetta hefur alltaf verið það sem ég geri.“

Þetta segir Egill Sæbjörns­son mynd­list­ar­maður í sam­tali við Heim­ild­ina þegar hann býður blaða­manni í heim­sókn í sveit­ar­róna í Müncheberg, sem er í klukku­tíma fjar­lægð frá höf­uð­borg Þýska­lands, til að ræða list­ina og lífið eftir tæp 25 ár í Berlín. 

Hann seg­ist alltaf hafa ætlað að verða mynd­list­ar­maður, eða frá því hann var 3 ára gam­all en hann er alinn upp í Norð­ur­mýr­inni.

„Elstu minn­ing­arnar mínar eru frá því að vera með liti á gólf­inu heima hjá mér. Þegar ég var á leik­skóla þá var það eina sem ég gat gert að byggja legóhús, sem voru sett upp á hillu og þá fékk ég lof fyrir það. …