Fyrri aukaspurning:

Þetta dýr heitir tamandúa á flestum hinna stærri tungumála og raunar á íslensku líka. Þetta er frekar lítt kunn frænka annarrar tegundar sem er öllu þekktari. Þær frænkur eru svipaðar í útliti en þó er ein mikilvæg undantekning þar á. Hvað nefnist frænkan?

***

Aðalspurningar:

1.  Charles Lutwidge Dodgson hét maður enskur og dó 65 ára árið 1898. Fyrir hvað er hann lang, langþekktastur — en reyndar ekki undir þessu nafni?

2.  Undir hvaða nafni vann hann það afrek sem gerði hann frægan?

3.  Dodgson var — auk þess sem gerði hann frægan — vel menntaður í hvaða fræðum?

4.  Hvað nefndist síðasti keisari Rússaveldis?

5.  Hvar er stærsta óbyggða eyjan við Íslandsstrendur?

6.  Hvað gerðist á D-degi, sem kallaður er?

7.  Í leikritinu Mátulegir í Borgarleikhúsinu er fjallað um tilraun sem fjórir miðaldra karlar gera á sjálfum sér. Í hverju felst tilraunin?

8.  Í hvaða íslenska stöðuvatni eru Sandey og Nesjaey?

9.  Árið 1752 var opnaður dýragarður í evrópskri stórborg. Hann er elsti dýragarður heims sem hefur verið starfræktur samfellt. En í hvaða stórborg var hann og er?

10.  Hvað er — í grófum dráttum — ákvarðað af fjölda róteinda (prótona) í kjarna frumeinda, eða atóma?

***

Seinni aukaspurning:

Svona var kápumynd einnar sígildrar sögu í formi teiknimyndasögu. Hver var sagan?

Og svo gefst þér hér kostur á lárviðarstigi með eikarlaufi og stjörnu: Hvað heitir risinn?

***

Svör við aðalspurningum:

1.  Hann skrifaði Lísu í Undralandi. 

2.  Lewis Carroll.

3.  Stærðfræði.

4.  Nikulás.

5.  Í Faxaflóa.

6.  Innrásin í Normandý 1944.

7.  Að kanna afleiðingar þess að vera ævinlega "hóflega" drukknir.

8.  Í Þingvallavatni.

9.  Vínarborg.

10.  Sætistala, röð frumefna í lotukerfinu. 

***

Svör við aukaspurningum:

Tamandúa er náfrænka mauraætunnar. Hana skortir langa trýnið sem prýðir stóru frænku.

Mauraæta

Kápumyndin er aftur á móti af Ódysseifskviðu Hómers. Risinn hét Pólýfemus.