Fyrri aukaspurning:

Hvaða bygging er þetta?

***

Aðalspurningar:

1.  „Þegar piparkökur bakast, kökugerðarmaður tekur fyrst af öllu steikarpottinn og eitt kíló ...“ af hverju?

2.  Masjid al-Haram heitir helgasta moska múslima. Í hvaða borg er hún?

3.  Í miðri þessari mosku er að finna sérstakan helgidóm og þar mun vera ævaforn hlutur sem er í sjálfu sér ekki mjög guðlegur en hefur í huga múslima orðið tákn fyrir íslam. Hvers konar hlutur er þetta?

4.  Johannes Adam Ferdinand Alois Josef Maria Marco d'Aviano Pius heitir karl nokkur fullu nafni. Í hvaða ríki er hann þjóðhöfðingi um þessar mundir?

5.  Frá hvaða landi kemur parmesan-ostur?

6.  Hvað hét höfundur skáldsögunnar Maður og kona?

7.  Hversu marga vængi hefur býfluga?

8.  Fyrsta sinfónía Mozart er Sinfónía nr. 1 í E♭-dúr, K. 16. Hvað var hann gamall þegar hann samdi hana? Hér má muna einu ári til eða frá.

9.  Á árunum 1952-1960 geisaði svokölluð Mau Mau uppreisn í einni af nýlendum Breta sem krafðist sjálfstæðis. Uppreisnarmenn voru ekki neinar englar en Bretar brugðust líka við af gríðarlegri hörku. Í hvaða nýlendu — og núverandi ríki — var þessi uppreisn?

10.  Tíu í hundraðasta veldi er mjög stór tala. Hún hefur enda sérstakt nafn í stærðfræðinni og laust fyrir árið 2000 var nýtt fyrirtæki nefnt eftir þessari tölu, og átti nafnið að gefa til kynna að tæknilausn fyrirtækisins byði upp á nær óteljandi möguleika. En þó var nafnið stafsett svolítið öðruvísi en heitið á tölunni, og fer tvennum sögum af því hvort það hafi stafað af mistökum eða ásetningi. Altént sigraði fyrirtækið heiminn. Hvað heitir þetta fyrirtæki? 

***

Seinni aukaspurning:

Hver er þessi karl?

***

Svör við aðalspurningum:

1.  Margarín.

2.  Mekka.

3.  Loftsteinn, eða brot úr loftsteini.

4.  Liechtenstein. Fursti þessi gengur yfirleitt undir nafninu Hans-Adam.

5.  Ítalíu.

6.  Jón Thoroddsen.

7.  Fjóra.

8.  Hann var átta ára, svo rétt er 7-9.

9.  Keníu.

10.  Google. Talan er kölluð „googol“.

***

Svör við aukaspurningum:

Á efri myndinni er Balmoral-kastali í Skotlandi, aðsetur bresku konungsfjölskyldunnar þegar hún dvelst í Skotlandi.

Á neðri myndinni er Sigurður Sveinsson handboltakappi.