Fyrri aukaspurning:

Hvaða grunsamlega hóp má sjá á myndinni hér að ofan?

***

Aðalspurningar:

1.  Kabúl er höfuðborgin í ... hvaða landi?

2.  Hvað er jaðrakan?

3.  Hvað eiga Bandaríkjaforsetarnir Abraham Lincoln, James Garfield og William McKinley helst sameiginlegt?

4.  Hvor staðurinn er norðar á heimskringlunni, Borgarnes eða Neskaupstaður?

5.  Hver skrifaði annars Heimskringlu?

6.  Hver sagði, í lauslegri nútímaþýðingu: „Öll veröldin er leiksvið og allir menn og konur eru bara leikarar. Þau  stíga af sviðinu og inn á það og hvert þeirra leikur á ævi sinni mörg hlutverk.“

7.  En hver skrifaði þetta: „Sú var tíð, segir í bókum, að íslenska þjóðin átti aðeins eina sameign sem metin varð til fjár. Það var ...“

8.  Hvað heitir sú dóttir Donalds Trumps sem hafði sig mjög í frammi meðan hann var forseti?

9.  Afkastamikill rithöfundur sendir frá sér bók árlega. Þær þrjár síðustu heita Tregasteinn, Þagnarmúr og Sigurverkið. Hver er höfundurinn? 

10.  Hver samdi óperuna Aídu?

***

Seinni aukaspurning:

Hvaða fyrirtæki, sem teygir anga sína um allan heim og smeygir sér víða inn, hefur þetta lógó hér?

***

Svör við aðalspurningum:

1.  Afganistan.

2.  Fugl.

3.  Þeir voru allir myrtir.

4.  Neskaupstaður.

5.  Snorri Sturluson.

6.  Shakespeare.

7.  Halldór Laxness.

8.  Ivanka.

9.  Arnaldur Indriðason.

10.  Verdi.

***

Svör við aukaspurningum:

Á efri mynd er Spaugstofan.

Á neðri myndinni er lógó samfélagsmiðilsins Instagram.