Fyrri aukaspurning:

Árið 1982 birtist Þjóðviljinn viðtal við aðstandendur nýs kvikmyndablaðs sem þá var nýútkomið. Ritstjórar voru þeir Arnaldur Sigurðsson og ... sá sem prýðir myndina hér að ofan. Hvað heitir hann?

***

Aðalspurningar:

1.  Í síðari heimsstyrjöldinni voru framleiddir í miklu magni ákveðnir hlutir sem nefndir voru Liberty og þóttu gagnast Bandamönnum mjög í baráttunni gegn öxulveldunum. Hvers konar fyrirbæri voru þetta? Svarið þarf að vera þokkalega nákvæmt.

2.  Hvað kallar Gauti Þeyr Másson sig yfirleitt?

3.  Hvaða fyrirbæri er híjab?

4.  Hvaða bílafyrirtæki framleiðir Landcruiser?

5.  En hvaða fyrirtæki framleiðir Airbus-flugvélarnar?

6.  Isaac M. Singer — Bandaríkjamaður af þýskum ættum, fæddur 1811 — stofnaði árið 1851 fyrirtæki sem fullkomnaði uppgötvun sem aðrir höfðu þegar verið komnir vel á veg með að þróa. Af því spratt reyndar málarekstur en uppgötvun Singers sló í gegn. Og þessi uppgötvun var ... hvað?

7.  Annar maður sem hét næstum því sama nafni og Isaac M. Singer fæddist tæpri öld síðar í ákveðnu Evrópulandi. Hann fluttist reyndar til Bandaríkjanna 1935 af ótta við uppgang fasista og Gyðingahatara í Evrópu. Og þessi maður varð líka afreksmaður, eins og sá fyrri, þótt á listrænu sviði væri. Hvaða viðurkenningu eða afrek vann þessi síðarnefndi karl 1978?

8.  Hvað heitir sjónvarpsstöðin sem rekin er í tengslum við Fréttablaðið?

9.  Hver er elsti ráðherrann í ríkisstjórn Íslands?

10.  Guðrún Á. Símonar var kunn fyrir elsku sína að hvaða dýrum?

***

Seinni aukaspurning:

Hvað heitir stöðuvatnið hér á myndinni miðri og ögn til vinstri?

***

Aðalspurningasvör:

1.  Flutningaskip. Skip dugar ekki og herskip auðvitað alls ekki.

2,  Emmsjé Gauti.

3.  Höfuðskýlur múslimskra kvenna — af öllu tagi.

4.  Toyota.

5.  Airbus.

6.  Saumavél.

7.  Árið 1978 fékk Isaac B. Singer Nóbelsverðlaun í bókmenntum. Nóbelsverðlaun og bókmenntir verður að nefna.

8.  Hringbraut.

9.  Jón Gunnarsson.

10.  Köttum.

***

Aukaspurningasvör:

Á efri myndinni er Gunnar Smári Egilsson.

Á neðri myndinni er Kaspíhaf.