Fyrri aukaspurning:

Úr hvaða kvikmynd er skjáskotið hér að ofan? Þau sem vita hvað leikkonan heitir fá svo sérstakt kvikmyndastig.

***

Aðalspurningar:

1.  Undir hvaða nafni eða nöfnum þekkjum við asetýlsalisýlsýru best?

2.  Hans Zimmer er maður sem hefur hlotið óskarsverðlaunin tvívegis. Fyrir hvað?

3.  Hvaða borg í Asíu ber nafn sem þýðir Ljónaborg?

4.  Í Úkraínu er líka borg sem heitir í rauninni Ljónaborg. Hvað köllum við þá borg?

5.  Trúflokkur einn sem sprottinn er í Bandaríkjunum styðst við flókið kenningakerfi sem gengur út á að mannkynið eigi rætur sínar að rekja til fyrirbæra utan úr geimnum sem komu hingað fyrir milljónum ára. Þótt kenningarnar hljómi fáránlega aðhyllast víst um 25.000 manns trú þessa þar vestra. Hvað nefnist trúflokkurinn? 

6.  Og hver er lang, langfrægasti einstaklingurinn sem aðhyllist þessa trú?

7.  Hver er stærstur spörfugla í heimi?

8.  Hversu margar fisktegundir hafa fundist við Ísland samkvæmt „fiskatali“ sem Gunnar Jónsson fiskifræðingur tók 15. nóvember 2000? Eru það 36 fisktegundir, 360 tegundir, 3.600 tegundir, 36.000 tegundir eða 360.000 tegundir?

9.  Tvö gömul varðskip Landhelgisgæslunnar voru nýlega seld. Hvað heita þau? Nefna þarf bæði.

10.  Kraut-rokk er heiti notað á ansi þunga og tilraunakennda rokktónlist sem þróaðist í tilteknu landi um og upp úr 1970. Hvaða land var það?

***

Seinni aukaspurning:

Hvað heitir konan á myndinni hér að neðan?

***

Svör við aðalspurningum:

1.  Magnyl eða aspirín — hvort tveggja er rétt.

2.  Tónlist.

3.  Singapúr.

4.  Lviv. Hún er að vísu eftir fursta að nafni Leó, ekki dýrategundinni ljón.

5.  Vísindakirkjan, Church of Scientology.

6.  Tom Cruise.

7.  Hrafninn.

8.  360 fisktegundir.

9.  Ægir og Týr.

10.  Þýskaland. Að þessu sinni elti ég ekki ólar við hvort fólk segir Þýskaland eða Vestur-Þýskaland.

***

Svör við aukaspurningum:

Kvikmyndin, sem fyrri spurningin snýst um, heitir Arrival. Leikkonan heitir aftur á móti Amy Adams.

Konan á neðri myndinni er Steinunn Valdís, borgarstjóri og síðar þingmaður.