Fyrri aukaspurning:

Úr hvaða kvikmynd er þetta skjáskot?

***

Aðalspurningar:

1.  Hvaða dularfulla svæði er kennt við Bermúda en þar áttu skip og flugvélar að hverfa í óeðlilega stórum stíl?

2.  Til hvaða ríkis telst Bermúda?

3.  Í hvaða grein var að minnsta kosti til skamms tíma keppt um svonefnda Bermúdaskál?

4.  Hversu mörg eru spilin í venjulegum spilastokk?

5.  Hvað heitir höfuðborg Austurríkis?

6.  Í hvaða landi fellur áin Rín til sjávar?

7.  Þann 25. ágúst 1902 setti Sighvatur Árnason bóndi í Eyvindarholti í Rangárvallasýslu og Alþingismaður met sem enn stendur. Hvaða met er það?

8.  Hvaða tvö fyrirbæri tengir vélinda?

9.  Hvað heitir þéttbýlisstaðurinn við Mývatn?

10.  Hvað hét ótrúlega sigursæli fótboltastjóri Manchester United 1986-2013?

***

Seinni aukaspurning:

En úr hvaða bíómynd er skjáskotið hér að neðan?

***

Svör við aðalspurningum:

1.  Bermúda-þríhyrningurinn.

2. Bretlands.

3.  Bridge.

4.  52.

5.  Vínarborg.

6.  Hollands.

7.  Sighvatur lét þennan dag af þingmennsu elstur allra sem setið hafa á þingi, 78 ára og 269 daga. Ekki þarf að hafa tölurnar réttar, bara giska á að hann sé enn elsti þingmaður sögunnar.

8.  Kok og maga.

9.  Reykjahlíð.

10.  Alex Ferguson.

***

Svör við aukaspurningum:

Efra skjáskotið er úr Með allt á hreinu.

Neðra skjáskotið er úr 2001: A Space Odyssey.