Fyrri aukaspurning:

Úr hvaða kvikmynd er skjáskotið hér að ofan?

***

Aðalspurningar:

1.  Hvað heitir formaður Viðreisnar?

2.  Hversu margir voru krossfestir um leið og Jesúa frá Nasaret samkvæmt frásögn guðspjallamanna?

3.  Við hvaða stað á Englandi er 0 gráðu lengdarbaugurinn miðaður? Svarið þarf að vera þokkalega nákvæmt.

4.  Í hvaða átt snúa altari í kirkjum alla jafna?

5.  Bókmenntaverðlaun Norðurlandaráðs verða afhent í haust eins og venja er. Tveir íslenskir höfundar eru tilnefndir til verðlaunanna eins og venja er. Nefnið að minnsta kosti annan þeirra — það dugar til stigs. 

6.  Dinosaurus er alþjóðlegt orð sem notað er um lífverur sem uppi voru fyrir löngu. En hvað þýðir orðið dinosaurus?

7.  Dinosaurusar dóu út þegar loftsteinn skall til jarðar á skaga einum. Hvaða skagi er það? 

8.  En hvenær gerðist það? Hér má muna hvorki meira né minna en 6 milljónum ára til eða frá!

9.  Hvaða núlifandi dýr eru talin skyldust dinosaurusum?

10.  Hvað hét söngkonan í Q4U, þeirri góðkunnu hljómsveit? Gælunafn dugir.

***

Seinni aukaspurning:

Hér má sjá þrjá íslenska pilta (Halldór Þorgeirsson, Hans Jóhannsson, Hrafn Þorgeirsson) úti á flugvelli fyrir allnokkrum áratugum og með þeim er ... hver?

***

Svör við aðalspurningum:

1.  Þorgerður Katrín.

2.  Tveir.

3.  Greenwich. London dugar ekki.

4.  Austur.

5.  Steinar Bragi og Elísabet Jökulsdóttir. Annað nafnið dugir sem sagt til stigs.

6.  Hræðileg eðla.

7.  Yucatan-skaga í Mexíkó.

8.  Þetta gerðist fyrir 66 milljónum ára svo rétt er allt frá 60 til 72.

9.  Fuglar.

10.  Ellý.

***

Svör við aukaspurningum:

Efri myndin er úr kvikmyndinni Dancer in the Dark.

Neðri myndin sýnir Neil Armstrong síðar tunglfara með þeim Halldóri, Hans og Hrafni.