Guðmundur Hrafn Arngrímsson, formaður Samtaka leigjenda á Íslandi, hefur verið á leigumarkaðnum í Reykjavík síðan 2015, eða í sjö ár samfleytt, og á þeim tíma búið í fjórum íbúðum. Hann freistaði þess í tvígang að komast inn á séreignamarkaðinn, flutti inn á foreldra sína og bjó á sófa á skrifstofu sinni til þess að safna fyrir útborgun í eitt skiptið, en tókst það ekki. „Staðan sem ég hef verið í hefur haft mjög mikil og langvarandi áhrif á andlega heilsu mína og atgervi,“ segir hann og útskýrir svo: „Þessi streita sem fylgir því að vera í þessari stöðu veldur kvíða og hefur ollið mér getuleysi til að ráðast á aðstæður mínar, vegna þess að í þessi skipti sem ég hef reynt að breyta veruleika mínum þá hefur það ekki tekist. Það er mjög íþyngjandi að finnast maður vera á stað sem maður vill alls ekki vera á og reyna af …