73. spurningaþraut: Hver var næstfyrsta konan í Biblíunni?

Auka­spurn­ingar:

Hvað er það sem sést á efri mynd­inni?

Og hver er karl­inn á neðri mynd­inni?

1.   Getafix heitir öld­ungur einn, hann veit lengra nefi sínu, eins og sagt er, en er einkum vel að sér um jurta­fræði hvers konar og kann öðrum betur að brugga ýmis lyf og krafta­mixt­úrur um þeim. Til að ná sér í jurtir til að setja í pott sinn gengur hann yfir­leitt með litla sigð á sér. Vinir hans njóta mjög kunn­áttu hans og eru þar tveir fremstir í flokki. Hvað kall­ast Getafix á íslensku?

2.   Í kringum 1980 voru bresku íþrótta­menn­irnir Sebast­ian Coe og Steve Ovett fremstir í heimi í sínum greinum og var mikil keppni millum þeirra. Í hvaða greinum kepptu þeir? Hér þarf þokka­lega nákvæmt svar.

3.   Hver gaf út plöt­una Kópacabana árið 2010 um heimabæ sinn, Kópavog?

4.   Eðli máls­ins sam­kvæmt er Eva fyrsta konan sem minnst er á í Bibl­í­unni. En hvaða kona er næst nefnd til sögu í bók­inni þeirri arna? Konan sú er reyndar ekki nefnd með nafni, en hún er þarna samt.

5.   Hún fædd­ist árið 1954, ólst upp í mik­illi fátækt og sætti ýmsu harð­ræði í æsku, en var afar staffírug, óþrjót­andi orku­búnt og reynd­ist stór­snjöll á því sviði sem hún valdi sér. Árið 1986 komst hún í mikla áhrifa­stöðu í heima­landi sínu og hélt þeirri stöðu allt til 2011 þegar hún dró sig í hlé. Enn hefur hún þó mikil áhrif á skoð­anir landa sinna á öllu mögu­legu, frá bókum til sam­fé­lags­mála. Hver er hún?

6.   Hvað heitir lengsti fjörður Noregs?

7.   „Þegar við sofnum öll, hvert förum við þá?“ Hver gaf út fyrstu hljóm­plötu sína með þessu nafni? Nafnið var þó auð­vitað á ensku: „When We All Fall Asleep, Where Do We Go?“

8.   Hvað heitir stærsta tunglið í sól­kerfi okkar, nærri 10 pró­sentum stærra að þver­máli en plánetan Merkúr og mun stærra en Tunglið okkar?

9.   Kona ein var þrí­gift og hétu eig­in­menn hennar Þor­valdur, Glúmur og Gunnar. Hún sætti heim­il­is­of­beldi af hendi þeirra allra, þótt í mis­miklum mæli væri. Öllum hefnd­ist þeim fyrir ofbeldið, þótt vel megi segja að refs­ing þeirra allra hafi verið all­miklu meiri en glæp­ur­inn. Hvað hét konan?

10.    Hvað nefn­ist skipa­skurð­ur­inn milli Rauða hafs­ins og Mið­jarð­ar­hafs­ins?

Hér eru svörin:

1.   Sjóð­ríkur - úr bók­unum um Ástrík og félaga.

2.   Milli­vega­lengdum í hlaupa­greinum karla. „Hlaup“ duga ekki ein og sér.

3.   Erpur Eyvind­ar­son, eða Blaz Roca.

4.   „Kain kenndi konu sinnar, og hún varð þunguð og fæddi Henok.“ Ekki fylgir sög­unni hvaðan þessi kona Kains kom, eða hvort hún var systir hans eins og hlýtur eig­in­lega að vera.

5.   Oprah Winfrey.

6.   Sogn­fjörður.

7.   Billie Eilish.

8.   Ganý­medes við Júpíter.

9.   Hall­gerður lang­brók.

10.   Súez-skurður.

Svör við auka­spurn­ingum:

Efri myndin sýnir hluta af bún­ingi Járn­karls­ins, Iron Man, í kvik­myndum þeim er gjörðar hafa verið um hálf­guð­ina Avengers.

Neðri myndin sýnir hins vegar Bjarna Bene­dikts­son for­sæt­is­ráð­herra, þann eldri sem það nafn hefur borið.

Þá má hér finna spurn­inga­þraut­ina frá því í gær­morgun.