70. spurningaþraut: Allt sem þú veist (vafalítið) um Rómaveldi

Þegar númer spurn­inga­þrautar endar á núlli, þá snú­ast allar spurn­ingar um sama efni. Þessi er um Róma­veldi.

Auka­spurn­ing­arnar eru þessar:

Skip eins og á mynd­inni hér að ofan voru brúkuð í róm­verska flot­anum alla tíð heims­veld­is­ins. Hvað kall­að­ist þessi her­skipa­gerð?

Og neðri myndin: Róm­verjar voru miklir meist­arar í að reisa mann­virki eins og sjást á mynd­inni. Til hvers var þetta fer­líki reist?

Aðal­spurn­ing­arnar tíu:

1.   Einn gal­inn róm­verskur keis­ari var sagður hafa gert hest­inn sinn að öld­unga­ráðs­manni eða ræð­is­manni. Það er að vísu rangt, hann gerði það aldrei þótt hann kunni að hafa grín­ast með það, en hvaða keis­ari var þetta?

2.   Annar gal­inn Róm­ar­keis­ari er sagður hafa látið drepa mömmu sína til að hann þyrfti ekki sífellt að hlusta á kvartið í henni - og reyndar dregur eng­inn í efa að þær sögur séu sannar. Hvað hét þessi keis­ari?

3.   Í þjóð­sög­unni um stofnun Róma­borgar segir m.a. frá tví­burum, sem átti að bera út, en ákveðið kven­dýr tók bræð­urna að sér og kom þeim á legg. Hvaða dýr var þetta?

4.   Hvaða frægi Rómverji var drep­inn úr laun­sátri 15. mars árið 44 fyrir Krist?

5.   Skömmu fyrir lok þriðju aldar fyrir Krist gerði grimmur and­stæð­ingur Rómar inn­rás á Ítal­íu­skaga og vann frægan sigur á róm­verska hernum þar sem heitir við Cannae. Róm­verjar unnu þó það stríð að lokum, eins og flest önnur. Hvað hét þessi and­stæð­ingur?

6.   Rúmum tvö hund­ruð árum síðar biðu Róm­verjar annað frægan ósigur, þegar þeir misstu þrjár her­deildir þar sem heitir í Tevtó­borg­ar­skógi. Hvað hét and­stæð­ingur þeirra þar?

7.   Skömmu fyrir lok fyrstu aldar eftir Krist var reist hring­leika­hús eitt mikið í Róma­veldi og stendur sú bygg­ing enn að mestu. Hvað er hring­leika­húsið kallað?

8.   Í hring­leika­hús­inu komu meðal ann­ars fram skylm­inga­þrælar sem börð­ust upp á líf og dauða, blóð­þyrstum áhorf­endum til skemmt­unar. Hvað var aðal­hug­takið sem notað var um slíka skylm­inga­þræla?

9.   Einn var sá Róm­ar­keis­ari sem lét bæði ljúka við hið fræga hof Pantheon í Rómaborg, sem er enn stendur, og reisa múr nokkurn veg­inn á mótum Englands og Skotum, svo róm­verskar lendur í suðr­inu væru óhultar fyrir árásum norð­an­manna. Hvar hét þessi bygg­ingaglaði keis­ari?

10.   Eftir að Rómaborg hafði verið óhult í 800 ár birt­ist við borg­ar­múr­ana germ­anskur þjóð­flokkur árið 410 eftir Krist og lagði borg­ina undir sig. Germanir eða Vestur-Gotar, eins og þeir eru oft­ast kall­aðir, rændu og rupluðu í borg­inni, en héldu svo á brott og end­uðu svo seinna á Spáni þar sem þeir stofn­uðu ríki. Foringi þess­ara Vestur-Gota fékk ekki lengi að njóta auð­æf­anna, sem rænt var úr borg­inni, því hann lést skömmu eftir að her hans hélt þaðan. Til að gröf hans fengi að vera í friði létu höfð­ingjar Vestur-Gota stífla á nokkra og veita henni úr far­vegi sínum um skeið, og var for­ing­inn graf­inn á árbotn­inum. Síðan var ánni veitt aftur í far­veg sinn, yfir gröf­ina, og allir þrælar og verka­menn drepnir sem höfðu unnið við fram­kvæmd­irnar, svo eng­inn væri til frá­sagnar um hvar gröfin væri. Enda hefur hún aldrei fund­ist. Hvað hét þessi for­ingi Vestur-Gota?

Hér eru svörin:

1.   Caligula.

2.   Nero.

3.   Úlfur.

4.   Caesar.

5.   Hannibal.

6.   Arminius.

7.   Colosseum.

8.   Gladi­ator.

9.   Hadri­anus.

10.   Alaric.

Og skipin köll­uð­ust galeiður.

Og mann­virkið var til að flytja vatn.

Hér er þraut frá í gær.