67. spurningaþraut: Hvar ætluðu Bandaríkjamenn að sprengja atómsprengju, og fleira

Hvaða nafn­frægu per­sónu úr grísku goða­fræð­inni má sjá á mynd­inni hér að ofan?

Þetta var fyrri auka­spurn­ingin.

Hin snýst um neðri mynd­ina og er svona:

Hver er þetta?

En þá eru fyrst hinar sívin­sælu aðal­spurn­ingar:

1.   Hvað heitir höf­uð­borgin í Afganistan?

2.   Sam­herj­a­skjölin svo­nefndu snú­ast um meintar mútu­greiðslur fyr­ir­tæk­is­ins til stjórn­mála- og áhrifa­manna í fyrst og fremst einu Afr­íku­ríki. Hvaða ríki er það?

3.   Í Færeyjum kall­ast sá „lög­maður“ sem á Íslandi er nefndur „for­sæt­is­ráð­herra“. Hver hefur lengst allra í nútíma gegnt þessu starfi?

4.   Jóhann Jónsson orti frægt ljóð sem hefst svo: „Hvar hafa dagar lífs þíns lit sínum glatað?“ Hvað heitir ljóðið?

5.   Vivianne Miedema heitir ung fót­bolta­kona sem nú spilar með Arsenal. Hún er ógur­legur marka­skor­ari og skorar nálega eitt mark í leik, bæði með félags­liði sínu og lands­liði. Fyrir hvaða lands­lið spilar hún?

6.   Rosalind Franklin var breskur vís­inda­maður sem lést úr krabba­meini aðeins 37 ára. Það var árið 1957. Hún var harmdauði sínu fólki en ann­ars var hún ekki sér­lega þekkt. Löngu síðar kom í ljós að hún hafði átt mjög mik­il­vægan þátt í stór­kost­legri vís­inda­upp­götvun, en heið­ur­inn af þeirri upp­götvun féll fyrst og fremst í skaut tveggja karla. Á síð­ustu árum hefur hlutur Rosalind Franklin þó verið dreg­inn fram í dags­ljósið. Um hvað sner­ist hin umrædda vís­inda­upp­götvun?

7.   Árið 1958 börðu banda­rískir ráða­menn saman svo­kall­aða „Áætlun 119A“ sem sner­ist um að sprengja kjarn­orku­sprengju á ákveðnum stað til að sýna mátt og megin Banda­ríkj­anna. Sem betur fer var áætl­unin lögð á hill­una en hvar átti að sprengja sprengj­una?

8.   Árið 2016 hófust á Netflix sýn­ingar á sjón­varps­þátta­röð um Elísa­betu Eng­lands­drottn­ingu og fjöl­skyldu hennar. Röðin heitir The Crown og sló í gegn. Í fyrstu tveimur þátta­röð­unum var Elísabet leikin af ... ja, hvað hét hún, leik­konan sú?

9.   Á árunum 1799-1837 var uppi skáld eitt í Rúss­landi. Skáldið hefur verið tal­inn hold­gerv­ingur róm­an­tísku stefn­unnar í Rúss­landi og fyrsta sann­kall­aða stór­skáldið þar í landi. Verk skálds­ins eru fjöl­mörg en ætli verk eins og Leitin að Ljúdmílu fögru, Spaða­drottn­ingin og Evgení Onegín séu ekki þekkt­ust hér? Skáldið lét lífið í asna­legu ein­vígi. Hvað hét þetta skáld?

10.   Hvaða breska hljóm­sveit sló í gegn árið 1992 með lag­inu Creep?

Svör:

1.   Kabúl.

2.   Namibíu.

3.   Atli Dam.

4.   Söknuður.

5.   Hollands.

6.   DNA.

7.   Á tungl­inu.

8.   Claire Foy.

9.   Alex­ander Púsjkin.

10.   Radi­ohead.

Svör við auka­spurn­ingum:

Pró­meþeifur.

Coco Chanel.

Einmitt hér er svo að finna þraut­ina frá í gær.