50. spurningaþraut: Tíu léttar spurningar um síðari heimsstyrjöld

Hér koma 10 aðal­spurn­ingar og tvær auka­spurn­ingar allar um sama efnið af því þrautin endar á núlli, hún er sú fimm­tug­asta í röð­inni.

Auka­spurn­ing­arnar eru þessar:

Hvað er að ger­ast á efri mynd­inni, eða þó öllu heldur, hvar er hún tekin?

Og á neðri mynd­inni er flug­vél, banda­rísk sprengju­flug­vél af gerð­inni Boeing B-17, en hvað voru slíkar vélar kall­aðar?

Þá eru það hinar tíu:

1.   Á fyrstu klukku­tímum heims­styrj­ald­ar­innar gerði gam­alt þýskt orr­ustu­skip fall­byssu­árás á virki í borg­inni ... ja, hvaða borg?

2.   „Næt­ur­norn­irnar“ voru þær oft kall­aðar, kon­urnar sem flugu að næt­ur­þeli gömlum og úreltum sprengju­flug­vélum yfir lönd óvin­anna og létu sprengj­unum rigna af miklu hug­rekki. Flug­floti hvaða ríkis treysti konum svo glatt til átaka?

3.   Hvað var hún kölluð, sprengjan sem Banda­ríkja­menn not­uðu til ger­eyða Hirósjíma í lok styrj­ald­ar­innar?

4.   Fjöl­margar skipa­lestir sigldu frá Íslandi til Rúss­lands með vistir handa Stalín. Sumar urðu fyrir miklum árásum af hendi Þjóð­verja en aðrar sluppu betur. Hvað var hún nefnd, sú skipa­lest sem varð fyrir mestu tjóni?

5.   Hver var æðsti hers­höfð­ingi Banda­manna í Evrópu síð­ustu miss­eri stríðs­ins?

6.   Þjóð­verjar lögðu undir sig mörg lönd í síð­ari heims­styrj­öld. Hernám eins þeirra var sýnu auð­veld­ara en ann­arra, því það tók bara einn dag, þann 9. apríl 1940. Hvaða land var Þjóð­verjum svo auð­velt við­fangs?

7.   Ung Gyð­inga­stúlka, Anna Frank, er óneit­an­lega ein­hver eft­ir­minni­leg­asta mann­eskja stríðs­ins og skyggir á flestalla hers­höfð­ingja. Í hvaða landi fædd­ist hún?

8.   Í raun voru aðeins sex ríki í Evrópu hlut­laus í stríð­inu: Tyrkland, Svíþjóð, Sviss, Spánn, Portúgal og ... hvað var það sjötta?

9.   Hvar gerðu Japanir óvænta árás á banda­ríska flot­ann í byrjun des­em­ber 1941?

10.   Hvaða land­svæði var það síð­asta sem Þjóð­verjar lögðu undir sig í stríð­inu, og þá er átt við sem þeir höfðu aldrei haldið áður í stríð­inu?

Svörin:

1.   Danzig, sem nú heitir Gdansk.

2.   Sov­ét­ríkj­anna.

3.   Snáðinn, eða Little Boy.

4.   PQ-17.

5.   Dwight D. Eisenhower - eft­ir­nafnið er alveg nóg.

6.   Danmörk.

7.   Í Þýska­landi.

8.   Írland.

9.   Pearl Harbor á Hawaii-eyjum.

10.   Ródos og aðrar Tylft­ar­eyjar í Eyja­haf­inu, sem Þjóð­verjar tóku af Ítölum eftir að Ítalir sneru við blað­inu í styrj­öld­inni í byrjun hausts 1943.

Efri myndin er tekið við gryfj­una þar sem lík Hitlers og eig­in­konu hans voru brennd við neð­an­jarð­ar­byrgi Hitlers í stríðs­lok. Rússar eru að sýna her­mönnum ann­arra þjóða stað­inn.

Flug­vélin var kölluð fljúg­andi virki.

Hér er svo þraut gær­dags­ins.