Þessi grein birtist upphaflega í Stundinni fyrir meira en 4 árum.

Íslenskur strákur segir asíska konu vera kórónuveiruna: „Mig langar að gráta“

Mynd­band sem birt var á TikT­ok vakti mikla reiði. Vilja finna konu sem varð fyr­ir for­dóm­um og knúsa hana.

Myndband sem birt var á TikTok í gærkvöldi vakti mikla reiði. Í myndbandinu segir íslenskur strákur við konu af asískum uppruna: „You are coronavirus,“ eða þú ert kórónaveiran. Konan mótmælir því, segist búa á Íslandi og vera góð manneskja en hann heldur áfram: „No, you are coronavirus,“ eða nei, þú ert kórónaveiran. 

Myndbandið fékk vægast sagt hörð viðbrögð á samskiptaforritinu þar sem aðrir notendur TikTok fordæmdu rasíska og vanvirðandi framkomu stráksins gagnvart konunni. 

„Mig langar að gráta, þetta er svo ljótt“

Samfélagsmiðlastjarnan Binni Glee var einn þeirra sem lét sig málið varða og endurbirti myndbandið með þessum orðum: „Já, þetta er íslenskur strákur að tala við mögulega túrista á Íslandi. Ég er svo reiður og sár. Þetta er ástæðan af hverju við þurfum að tala og fræða meira um rasisma á Íslandi og bara í heiminum. Mig langar að gráta, þetta er svo ljótt. Greyið konan og bara allir sem verða fyrir rasisma í lífinu og sérstaklega núna út af veirunni. Líka bara að pósta þessu á Tik Tok sem fyndið myndband. Þetta er ekki svartur húmor, þetta er rasismi.“

Undir færslu hans svarar strákurinn sem póstaði myndbandinu: „Ahhahahahaha,“ og Binni biður hann um að þroskast. 

Myndbandinu var að lokum eytt út af TikTok, kínversku samskiptaforriti þar sem fólk deilir örstuttum myndböndum af sér. Almennt eru myndböndin af fólki sem er að skemmta sér eða öðrum, með dansi, gríni eða almennu glensi. Samskiptaforritið er sérstaklega vinsælt á meðal ungs fólks. 

Myndbandinu var líka deilt inn á Facebook-hópinn Beauty Tips með þeim orðum að þetta væri ekki í lagi. Þar stóð ekki heldur á viðbrögðunum: „Án gríns, mig langar að finna þessa konu og knúsa hana. Þetta er ógeðslegt,“ sagði ein og fleiri taka í sama streng: „Er algjörlega orðlaus, af hverju kemur fólk svona illa fram við hvert annað? Langar að knúsa þessa konu.“

„Langar að knúsa þessa konu“

Ein segist vera af asískum uppruna: „Sem Asíubúi þá hafði ég smá áhyggjur af því að lenda í svona leiðindum, sérstaklega eftir að lesa greinar um fólk sem er rasískt gagnvart Asíubúim vegna Covid-19, til dæmis í USA, Bretlandi og víðar. Langar að gefa þessari konu knús,“ segir hún og bætir því við: Þetta er veira, ekki kynþáttur.“ 

Alþjóðastofnanir á borð við Unicef og Amnesty International hafa varað við vaxandi fordómum vegna veirunnar. Í yfirlýsingu sem Unicef birti fyrr á árinu sagði að ótti við vírusinn væri líka að ala á fordómum og mismunun gagnvart hópum í viðkvæmri stöðu: „Þetta er algjörlega óásættanlegt. Við munu halda áfram að vinna á vettvangi við að lágmarka óbein áhrif faraldursins á börn og spyrna við fordómum og tilraunum til að brennimerkja fólk.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár