Pistill

Þessi grein birtist upphaflega í Stundinni fyrir meira en 4 árum.

Hólmfríður Helga Sigurðardóttir

Fyllt upp í tómið

Sambýlismaður í sóttkví, tvö grunnskólabörn og eitt leikskólabarn í heimakennslu vegna smita í þeirra skólum. Þannig var síðasta vika og Hólmfríður Helga Sigurðardóttir hélt að nú þyrfti að nýta hugmyndaflugið svo engum færi að leiðast. Annað kom á daginn.

11. apríl 2020 · 11:00

„Þið eruð ekki í fríi,“ segir kennari dóttur minnar á ruglingslegum fjarfundi tuttugu níu ára barna að morgni dags. Ég rifja upp brotareikning og aðferðir við deilingu. „Hvert er samheiti orðsins fyrnast?“ spyr sonur minn. Hmmm.

Bjargráð gegn leiðindum, áhyggjum og aðgerðarleysi berast úr öllum áttum. Hreyfibingó berst frá íþróttakennurum skólans og körfuboltaþjálfarinn biður um myndir af börnum að æfa sig heima. Dóttir mín dansar hip hop í beinni á Instagram og minn danskennari hristir sig líka á netinu – það hefur aldrei verið eins mikið dansað í stofunni minni og í þessari viku.

Píanónám barna fer líka fram í fjarkennslu, eins og vinnufundir mínir og mannsins míns í sóttkví. Hann fær ekki að stíga fæti inn í eldhús. Sem þýðir að munnarnir eru fimm sem ég þarf að passa að fái sína fylli þessa viku. Allir fá D-vítamín. Það styrkir ónæmiskerfið.

Mér finnst erfitt að einbeita mér. Ákveð að prófa róandi tíma frá fyrrverandi jógakennara sem býður hverjum sem er að vera með. Það hefur víst aldrei verið mikilvægara, bæði að horfa inn á við og hlúa að líkamlegri heilsu. Ætti ég líka að taka armbeygjuáskorun? Gæti að því að sitja bein í baki á heimaskrifstofunni, svo ég fari ekki í bakinu. Heyrði sjúkraþjálfara segja: „Toga rasskinnarnar aftur!“

Svo þarf að auðga andann. Ljóð fyrir þjóð frá Þjóðleikhúsinu og Kúltúr klukkan 13. Blaðamannafundur í beinni klukkan 14 er þó hápunktur dagsins. Börnin sjá afa í Þórólfi, enda fá þau ekki að hitta sína eigin afa. En þau hitta þá á netinu í staðinn. Líka ömmurnar, langömmurnar, vinina, frænkurnar, frændurna. Má ekki gleyma fjarafmæli í vinahópnum í lok dags.

Bangsaveiðar standa yfir í hverfinu. Við tökum þátt, fyllum gluggakistur af böngsum áður en við förum í langan göngutúr til að telja mjúkdýr í gluggum hverfisins. Ég reyni að halda huganum við talninguna og láta það ekki trufla mig að ég er að missa af fréttatímanum. Börnin mega ekki finna að ég er með veiruna á heilanum. Vil ekki að þau verði kvíðin svo ég hleð niður hugleiðslu fyrir börn sem leikskólinn mælir með þegar við komum heim. Hlustum á hana eftir að við höfum sungið nokkur af kvæðunum sem við fengum send í tölvupósti frá borginni.

Allan tímann hef ég samt haft þessa tilfinningu að ég sé að gleyma einhverju. Kannski að láta mér leiðast?

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Fréttir

Fjármálaóreiða FH fellur á hafnfirska útsvarsgreiðendur

Hátt í sjö hundruð milljón króna reikningur FH verður líklega sendur til skattgreiðenda eftir að FH fór flatt á byggingu Knatthússins Skessunnar. Formaður félagsins fær 73 milljónir í sinn hlut fyrir uppbyggingu hússins, sem sligar nú félagið. Svört skýrsla Deloitte dregur fram fjármálaóreiðu.

Viðtal

Þessi sápukúla mun springa

Nýverið leikstýrði Dagur Kári Pétursson dönsku kvikmyndinni Hygge! – endurgerð á ítölsku kvikmyndinni Perfetti Sconoscuti (Perfect Strangers). Hún hefur verið endurgerð næstum þrjátíu sinnum í hinum ýmsu löndum, þar á meðal á Íslandi sem kvikmyndin Villibráð eftir Elsu Maríu Jakobsdóttur. Hún er nú sýnd í Bíó Paradís og Dagur féllst á viðtal.

Fréttir

Selja aðgang að bílastæðum við Laugardalshöll á 5.990 krónur

Bílastæðin næst Laugardalshöllinni verða frátekin fyrir þau sem eru tilbúin að borga hátt í 6 þúsund krónur fyrir að leggja bílum sínum þar á meðan tónleikarnir Jólagestir Björgvins fara fram á laugardagskvöld. Hluti stæðanna sem Sena selur aðgang að standa á landi Reykjavíkurborgar við Engjaveg, utan lóðarmarka Laugardalshallarinnar.

Greining

Morðingi hylltur sem alþýðuhetja: „Viðbrögðin líkjast uppreisn“

Viðbrögð almennings við sviplegu morði á forstjóra eins stærsta sjúkratryggingafélags Bandaríkjanna hafa komið mörgum á óvart og hrundið af stað mikilli umræðu þar í landi. Sveinn Máni Jóhannesson, nýdoktor í sagnfræði við Háskóla Íslands, segir árásina tala inn í djúpstæða gremju sem margir Bandaríkjamenn finna til gagnvart heilbrigðiskerfinu og vinnubrögðum einkarekinna sjúkratryggingafélaga. Óljóst er hins vegar hverju þessi umræða muni skila.

Viðtal

„Ef fólk segir þér nógu oft að þú sért klikkuð, þá ferðu að trúa því“

Íslenska leikkonan Arna Magnea Danks, sem lék Birnu í Ljósvíkingum, og pólski blaðamaðurinn Magdalena Lukasiak eru ástfangnar og þær ræða myndirnar Woman of ... og Ljósvíkinga . En báðar myndirnar fjalla um trans konu.

Það sem ég hef lært

Bragi Valdimar Skúlason

Við tíminn

Tíminn er dýrmætur. Það sem við nýtum hann í gerir okkur að því sem við erum. Það hefur Bragi Valdimar Skúlason, hugkvæmdastjóri á Brandenburg, höfundur og orðakall, að minnsta kosti lært. En hann furðar sig oft á því að hann komi nokkru í verk þar sem hann er mikill aðdáandi tímaeyðslu.

Mest lesið

Mest lesið í vikunni

VettvangurHjólhýsabyggðin

Við erum ekkert „trailer trash“

Lilja Karen varð ólétt eftir glasafrjóvgun þegar hún bjó á tjaldsvæðinu í Laugardalnum og á dögunum fagnaði dóttir hennar árs afmæli. Afmælisveislan var haldin í hjólhýsi litlu fjölskyldunnar á Sævarhöfða, þar sem þær mæðgur búa ásamt hinni mömmunni, Friðmeyju Helgu. „Okkar tilfinning er að það hafi verið leitað að ljótasta staðnum fyrir okkur,“ segir Friðmey, og á þar við svæðið sem Reykjavíkurborg fann fyrir hjólhýsabyggðina.

ViðtalMóðursýkiskastið

Innsæi Karenar öskraði: „Það er eitthvað að“

Þegar Karen Ösp Friðriksdóttir lá sárkvalin á kvennadeild Landspítala árið 2019 var hún sökuð um verkjalyfjafíkn. Hún hafði þá verið verkjuð síðan hún var níu ára. Geðlæknir leiddi að því líkum að verkir hennar tengdust gervióléttu. Tveimur árum síðar fékk hún loks staðfestingu á því að hún væri með líkamlegan sjúkdóm. Hún vonar að heilbrigðiskerfið og samfélagið læri af hennar sögu.

Leiðari

Jón Trausti Reynisson

Íslenski draumurinn eða martröðin

Vaxandi vísbendingar og viðvaranir vísindamanna gefa til kynna að Íslendingar gætu lent í alvarlegum vanda á næstu áratugum. Sagan mun ekki dæma vel þau sem markaðssetja sig nú undir slagorðinu Íslenski draumurinn.

Flækjusagan

Ný rannsókn byltir uppruna Færeyinga og Íslendinga: Ekki eins skyldir og talið hefur verið

DNA-rannsóknir á jurta- og dýraleifum hafa þegar breytt myndinni af uppruna byggðar í Færeyjum. Þær virðast hafa byggst fyrst langt á undan Íslandi. En nú hefur rannsókn á uppruna Færeyinga líka breytt mynd okkar af uppruna færeysku þjóðarinnar og skyldleikanum við Íslendinga

VettvangurHjólhýsabyggðin

„Þetta er eins og að búa í einbýlishúsi“

Bergþóra Pálsdóttir, Bebba, hefur unun af því að fá gesti til sín í hjólhýsið og finnst þetta svolítið eins og að búa í einbýlishúsi. Barnabörnin koma líka í heimsókn en þau geta ekki farið út að leika sér í hjólhýsabyggðinni í Sævarhöfðanum: „Þau skilja ekki af hverju við vorum rekin úr Laugardalnum og sett á þennan ógeðslega stað.“

VettvangurHjólhýsabyggðin

„Ég kalla þetta svítuna“

Vilberg Guðmundsson hefur búið í húsbíl í níu ár. Hann og þáverandi konan hans ákváðu þá að selja íbúðina sína og keyptu húsbíl á Flórída. Þau skildu síðar og hann er að fóta sig á nýjan hátt. Vilberg er einn þeirra sem býr í hjólhýsabyggðinni við Sævarhöfða. „Ég skil ekki af hverju við máttum ekki vera áfram í Laugardalnum,“ segir hann.

Mest lesið í mánuðinum

VettvangurHjólhýsabyggðin

Við erum ekkert „trailer trash“

Á vettvangi

„Við mætum í vinnuna til þess að sigra“

Kona sem situr á biðstofu með fleira fólki er að greinast með heilaæxli og það þarf að tilkynna henni það. En það er enginn staður sem hægt er að fara með hana á, til að ræða við hana í næði. Í annan stað er rætt við aðstandendur frammi, fyrir framan sjálfsalann en þá fer neyðarbjallan af stað og hamagangurinn er mikill þegar starfsfólkið hleypur af stað. Í fjóra mánuði hefur blaðamaður verið á vettvangi bráðamóttökunnar á Landspítalanum og fylgst með starfinu þar.

Á vettvangi#1

Kvöldvakt á bráðamóttökunni

Í fjóra mánuði hefur Jóhannes Kr. Kristjánsson verið á vettvangi bráðamóttöku Landspítalans í Fossvogi. Í þáttaröðinni Á vettvangi sem unnin er fyrir Heimildina veitir hann einstaka innsýn inn í starfsemi bráðamóttökunnar, þar sem líf og heilsa einstaklinga er undir.

Fréttir

Tilnefnd sem framúrskarandi ungur Íslendingur en verður send úr landi

Til stendur að hin sýrlenska Rima Charaf Eddine Nasr verði send úr landi. Hún var á dögunum ein af tíu sem tilnefnd voru til verðlaunanna Framúrskarandi ungur Íslendingur í ár. Tilnefninguna fékk hún fyrir sjálfboðaliðastörf sem hún hefur unnið með börnum. Hér á hún foreldra og systkini en einungis á að vísa Rimu og systur hennar úr landi.

Vísbending

Gylfi Magnússon

Verstu mistök Íslandssögunnar

Gylfi Magnússon, prófessor við viðskiptafræðideild HÍ, skrifar um verstu mistök Íslandssögunnar í nýjasta tölublaði Vísbendingar. „Íslendingar hafa auðvitað gert alls konar mistök sem þjóð og þurft að súpa seyðið af því.“ En hver eru þau verstu?

Vindorkumál

Ný ógn við haförninn rís á Íslandi

Hafernir falla blóðugir og vængjalausir til jarðar í vindorkuverum Noregs sem mörg hver voru reist í og við búsvæði þeirra og helstu flugleiðir. Hættan var þekkt áður en verin risu og nú súpa Norðmenn seyðið af því. Sagan gæti endurtekið sig á Íslandi því mörg þeirra fjörutíu vindorkuvera sem áformað er að reisa hér yrðu á slóðum hafarna. Þessara stórvöxnu ránfugla sem ómæld vinna hefur farið í að vernda í heila öld.