Fyrirhuguð brottvísun sex manna íraskrar fjölskyldu til Grikklands í næstu viku brýtur í bága við þá lagaskyldu stjórnvalda að hafa hagsmuni barna að leiðarljósi við alla ákvarðanatöku. Þetta segir Magnús Norðdahl, lögmaður fjölskyldunnar. Sema Erla Serdar, stofnandi hjálparsamtakanna Solaris sem berjast fyrir hælisleitendur og flóttafólk, segir að brottvísunin stríði gegn almennu viðhorfi í samfélaginu. Sífellt fleiri séu mótfallnir því að ákvarðanir sem þessar séu teknar.

Í fjölskyldunni eru foreldrarnir Mohammed og Wedyan og börnin fjögur, þau Ali, Kayan, Saja og Jadin, sem eru á aldrinum eins til níu ára. Ástæða þess að vísa á þeim til Grikklands er að þar í landi hafa þau fengið viðurkennda stöðu flóttafólks. Fjölmörg mannúðar- og hjálparsamtök hafa ítrekað bent á að aðstæður flóttafólks þar séu með öllu óboðlegar, jafnvel hættulegar, og þeim sem þangað verði sendir bíði ómannúðlegar aðstæður.

Vísa átti fjölskyldunni úr landi í gær, fimmtudaginn 4. mars, en því var frestað. „Það …