Hjalti Ómar Ágústsson kennari flutti ásamt Sigrúnu Magnúsdóttur eiginkonu og tveimur ungum börnum þeirra til Grímseyjar síðastliðið haust. Í viðtali við Sigurð Bjarnason, ibúa í Grímsey í síðasta tölublaði Stundarinnar, staðhæfði Sigurður að allir íbúar eyjunnar, 73 talsins, vildu búa áfram í eynni. Hjalti tekur undir að það sé gott að búa í Grímsey.

Sigurður lýsti þó miklum áhyggjum af stöðunni og kallaði eftir annað hvort opinberu átaki eyjunni til bjargar eða samfélagslegri ábyrgð Íslandsbanka. Útgerðarfélögin þrjú í eynni dingla öll í snöru bankans vegna skuldsetningar og hafa eyjaskeggjar neyðst til að velta vöngum yfir eigin örlögum ef sjósókn verður úr sögunni.„Atvinnulífið byggir augljóslega að mestu á fiskveiðum, annað hvort beint eða óbeint. Það byggir á vinnu í kringum veiddan afla og þjónustu við útgerðir. Svo er afleidd þjónusta eins og verslun og skóli,“ segir Hjalti, spurður hvort byggð í eynni muni lifa af drastískar breytingar í sjávarútvegi.  

„Á móti …