Friðlýst náttúra óvarin fyrir niðurníðslu

Upp­bygg­ing inn­viða á frið­lýstum nátt­úru­vernd­ar­svæðum hefur ekki haldið í við öra fjölgun ferða­manna og víða um land er land­varsla ein­ungis stunduð á sumrin. Aukið álag hefur þegar komið niður á nátt­úr­unni og ýmis svæði liggja undir skemmdum. Það segir Hákon Ásgeirs­son, sér­fræð­ingur Umhverf­is­stofn­unar. Hann segir nauð­syn­legt að mæta ferða­manna­straumnum með auk­inni land­vörslu allt árið um kring. Hann segir að á fjöl­förn­ustu stöð­unum hafi gróður komið illa undan vetri og hefur þurft að loka svæðum tíma­bundið vegna gróð­ur­skemmda. Björt Ólafs­dóttir, umhverfis- og auð­linda­ráð­herra, segir þessa gríð­ar­legu aukn­ingu ferða­manna hafa verið „ófyr­ir­séða“ en von­ast til að geta lengt tíma­bil land­vörslu næsta vetur.

Loka vegna gróðrarskemmda

Veturinn í ár var ein­stak­lega mildur og lít­ill sem eng­inn snjór til að verja gróður fyrir ágangi vel skó­aðra gesta svæð­is­ins. Auk þess var aðgengi að hálend­inu því betra, til að mynda að Friðlandi á fjalla­baki þar sem eng­inn land­vörður starfar á vet­urna. „Við höfum …