Björn Ingi fékk kúlulán meðfram lundafléttu

Björn Ingi Hrafns­son fékk rúm­lega 60 millj­óna króna kúlu­lán frá Kaup­þings­mönnum árið 2005 þegar hann starf­aði sem aðstoð­ar­maður Halldórs Ásgríms­sonar, for­manns Fram­sókn­ar­flokks­ins, skömmu eftir einka­væð­ingu Bún­að­ar­bank­ans. Núvirði láns­ins er milli 100 til 110 millj­ónir. Nýút­komin skýrsla rann­sókn­ar­nefndar Alþingis um þátt­töku þýska bank­ans Hauck & Auf­häuser í einka­væð­ing­unni varpar ljósi á þátt Kaup­þings í blekk­inga­fléttu vegna kaupanna, en Björn Ingi hefur ítrekað getað treyst á fjár­hags­lega vel­vild Kaup­þings, og stærstu eig­enda bank­ans vegna starfa sinna í stjórn­málum og fjöl­miðlum. Rann­sókn­ar­nefndin sýnir svo ekki er vafi á að Ólafur Ólafsson og Kaupþing stóðu að blekk­inga­fléttu þar sem þáttur þýska bank­ans í kaupum á Bún­að­ar­bank­anum var ekki annar en að fela aðild þeirra að kaup­unum. Björn Ingi naut mik­illar fjár­hags­legrar vel­vildar af hálfu Kaupings og eig­enda sam­hliða fléttu sem fela átti slóð Ólafs og „lund­ans“, það er Kaup­þings.

Fjölmiðlaveldi eftir gjaldþrotaskipti