Hér eru topp 8 heilsu­tengdir kostir kaffi­drykkju, sem stað­festir hafa verið með raun­veru­legum rann­sóknum á mönnum. 

1. Kaffi getur bæði aukið orku þína og gert þig gáfaðri

Kaffi getur hjálpað fólki við að draga úr þreytu og aukið orku.
Það er vegna þess að það inni­heldur örvandi lyf sem nefn­ist koffín, sem er í raun mest not­aða vímu­efnið í heimi. 
Eftir að þú drekkur kaffi er koff­ínið tekið upp í blóð­streym­inu. Þaðan fer það upp í heil­ann. Í heil­anum hindrar það virkni hamlandi efna­boð­bera sem nefn­ist aden­osine. Þegar það ger­ist eykur það áhrif ann­arra efna­boð­bera, svo sem nor­epinephrine og dopa­mine, sem veldur svo auk­inni virkni tauga­fruma.

Margar sam­an­burð­ar­rann­sóknir á mönnum hafa sýnt fram á það að kaffi eykur ýmsar hliðar heila­virkni. Þar má nefna minni, skap, árvekni, orku­stig, við­bragðs­tíma og almenna heila­geta.

Nið­ur­staða: Koffín hindrar virkni hamlandi efna­boð­bera í heil­anum sem hefur örvandi áhrif. Þetta bætir orku­stig, skap og ýmis hliðar heila­virkni.

2. Kaffi getur hjálpað þér við fitubrennslu

Vissir þú að koffín er að finna í nán­ast öllum almennum fitu­brennslu-fæðu­bót­ar­efnum?
Það er góð ástæða fyrir því ... koffín er eitt mjög fárra nátt­úru­legra efna sem hefur verið sannað að aðstoði við fitu­brennslu.
Fjöl­margar rann­sóknir hafa sýnt að koffín eykur efna­skipta­hraða um 3-11 pró­sent.
Aðrar rann­sóknir hafa sýnt fram á að koffín getur sér­stak­lega aukið fitu­brennslu, um allt að 10% hjá þeim sem þjást af offitu og 29% hjá grönnu fólki. 
Hins vegar er mögu­legt að þessi áhrif minnki við lang­tíma kaffi­drykkju.
Nið­ur­staða: Fjöl­margar rann­sóknir hafa sýnt fram á að koffín auki fitu­brennslu lík­am­ans sem og efna­skipta­hraða.  

3. Koffín getur bætt líkamalega frammistöðu umtalsvert

Koffín örvar tauga­kerfið sem veldur því að það sendir skila­boð til fitu­fruma um að brjóta niður lík­ams­fitu.
En koffín eykur líka magn adrena­líns í blóð­inu.

Þetta er flótta­við­bragða­horm­ónið (e. fight or flight) sem býr lík­ama okkar fyrir  gíf­ur­lega lík­am­lega áreynslu. 
Koffín veldur því að fitu­frumur brjóta niður lík­ams­fitu, hleypir henni út í blóð sem við­bótar fitu­sýru og gerir okkur kleift að nota hana sem elds­neyti.

Með þessi áhrif í huga ætti ekki að koma á óvart að við getum séð að koffín bætir lík­am­lega frammi­stöðu um 11-12% að með­al­tali.

Vegna þessa er að gáfu­legt að fá sér sterkan bolla af kaffi um hálf­tíma fyrir lík­ams­rækt.

Nið­ur­staða: Koffín eykur adrena­lín­stig og losar fitu­sýrur úr fitu­vef. Það getur valdið umtals­verði fram­för í lík­am­legri getu. 

4. Það eru mikilvæg næringarefni í kaffi

Mynd: Shutterstock

Einn kaffi­bolli inni­heldur:
Ríbófla­vín (B2 vítamín): 11% af ráð­lögðum dag­skammti.
Pantóten­sýra (B5 vítamín): 6% af ráð­lögðum dag­skammti
Mangan og kalín: 3% af ráð­lögðum dag­skammti.
Magnesíum og nikótín­sýra (B3 vítamín): 2% af ráð­lögðum dag­skammti.
Þó þetta hljómi ekki mikið þá drekka flestir fleiri en einn bolla á dag. Ef þú drekkur 3-4 þá er það fljótt að telja.
Nið­ur­staða: Kaffi inni­heldur mörg mik­il­væg nær­ing­ar­efni, þar á meðal ríbófla­vín, pantóten­sýru, mangan, kalín, magnesíum og nikótín­sýru.

5. Kaffi getur dregið úr líkum á sykursýki 

Syk­ur­sýki 2 er risa­vaxið heil­brigð­is­vanda­mál, sem um 300 millj­ónir manna þjást af í dag. Hún ein­kenn­ist af háum blóð­sykri í sam­hengi við insúl­ín­þol eða van­getu til að fram­leiða insúlín. Ein­hverra ástæðna vegna eru tals­vert minni líkur á að þeir sem drekki kaffi fái syk­ur­sýki 2.

Rann­sóknir hafa sýnt að 23-50% minni líkur eru á því að fá þennan sjúk­dóm drekki við­kom­andi kaffi. Ein rann­sókn sýndi fram á að um sé að ræða 67% minni líkur. Samkvæmt einni gríð­ar­stórri end­ur­skoðun sem tók til gögn frá 18 rann­sóknum með sam­tals 457,922 ein­stak­linga er hver kaffi­bolli tengdur 7% minni líkum á syk­ur­sýki 2.
Nið­ur­staða: Fjöl­margar athug­un­ar­rann­sóknir hafa sýnt fram á þeir sem drekka kaffi eru ólík­legri til að fá syk­ur­sýki 2, alvar­legan sjúk­dóm sem 300 millj­ónir manns þjást af.

6. Kaffi getur verndað þig gegn Alzheimer og vitglöpum

Alzheimer er algeng­asti tauga­hrörn­un­ar­sjúk­dóm­ur­inn og helsta orsök and­legrar hrörn­unar í heim­inum.
Þessi sjúk­dómur snerti yfir­leitt fólk sem er eldra en 65 ára.
Til allrar óham­ingju er engin lækn­ing við Alzheimer.
Hins vegar er ýmis­legt sem þú getur gert til að koma í veg fyrir að þú þróir með þér Alzheimer. 
Þar má nefna aug­ljósa hluti svo sem hollt mat­ar­ræði og hreyf­ingu, en kaffi gæti líka verið ótrú­lega áhrifa­ríkt.
Nokkrar rann­sóknir hafa sýnt að þeir sem drekka kaffi eru 65% ólík­legri til að fá Alzheimer.
Nið­ur­staða: Þeir sem drekka kaffi eru tals­vert ólík­legri til fá Alzheimer, sjúk­dóm sem er helsta orsök and­legrar hrörn­unar í heim­inum

7. Koffín getur minnkað líkur á að fá Parkinson

Park­in­son-sjúk­dómur er næst algeng­asti tauga­hrörn­unar sjúk­dóm­ur­inn, á eftir Alzheimer.
Hann orsakast af skorti á boð­efn­inu dópamíni í heil­anum.
Líkt og með Alzheimer er engin þekkt lækn­ing, sem þýðir að mik­il­vægt er að hindra upp­komu sjúk­dóms­ins.
Rann­sóknir hafa sýnt að þeir sem drekka kaffi eru umtals­vert ólík­legri til að þróa með sér Park­in­son, eða um það bil 32-60%.
Í þessu til­viki virð­ist koff­ínið sjálft hafa þessi áhrif. Fólk sem drekkur koff­ín­laust kaffi dregur ekki úr líkum að fá Park­in­son.
Nið­ur­staða: Þeir sem drekka kaffi eru allt að 60% ólík­legri til að fá Park­in­son, næst algeng­asta tauga­hrörn­unar sjúk­dóm­inn.

8. Kaffi er stærsta uppspretta andoxunarefnis í vestrænu matarræði

Fyrir þá sem borða líkt og hinn almenni Vest­ur­landa­búi þá gæti kaffi verið ein heilsu­sam­leg­asta hlið mat­ar­ræð­is­ins. Það er vegna þess að kaffi inni­heldur gríð­ar­lega mikið af andox­un­ar­efnum.

Raunar hafa rann­sóknir sýnt að flest fólk fær meira af andox­un­ar­efnum úr kaffi en bæði ávöxtum og græn­meti sam­tals.
Kaffi er einn heilsu­sam­leg­asti drykkur í heim­inum. Punktur. 

Greinin birt­ist fyrst á vefnum Aut­hority nutrition.