Kim Jong-un þyngist hratt: Ótti, ofát og ofdrykkja

Yfirmenn Suður-Kóresku leyni­þjón­ust­unnar full­yrtu í síð­ustu viku að leið­togi Norður-Kóreu, Kim Jong-un, hefði þyngst um 45 kíló und­an­farin 4 ár. Hann ótt­ist um líf sitt, sofi lítið og leiti óhóf­lega í mat og áfengi af þeim sökum.

Leiðtoginn.
Leið­tog­inn. Kim er mik­ill áhuga­maður um körfu­bolta og eru þeir Dennis Rodman nánir vinir.

Fréttir af Norður-Kóreu tengj­ast yfir­leitt áformum þeirra um kjarn­orku­vopn, mann­rétt­inda­brotum eða ástæðu­lausum aftökum. Yfirmenn í suður-kóresku leyni­þjón­ust­unni færðu hins vegar nýverið fréttir af öðrum toga – um lík­am­legt ástand leið­toga lands­ins, Kim Jong-un.

Eftir því sem leyni­þjón­usta Suður-Kóreu kemst næst hefur hinn háheilagi leið­togi lands­ins ein­angr­aða í norðri bætt tölu­vert við þyngd sína und­an­farin fjögur ár. Sögðu yfir­menn stofn­un­ar­innar leyni­þjón­ustu­nefnd þings­ins frá því síð­asta föstu­dag að Kim hefði bætt við sig nærri 45 kílóum síð­ustu fjögur árin, og telja nú að hann sé nærri 150 kílóum á þyngd.

Ástæða þess að njósn­arar og aðrir fylgj­ast svo mikið með holda­fari leið­tog­ans er vegna þess að versni heilsa hann veru­lega getur það haft mikil áhrif á stjórn­ar­far lands­ins, stöð­ug­leika á svæð­inu og þá jafn­vægið milli þjóð­anna tveggja.

Kálað fyrir kríu

Yfir­maður nefnd­ar­innar segir Kim þjást af svefn­leysi, sem og ógreindum sjúk­dóm sem teng­ist gríð­ar­legri þyngd­ar­aukn­ingu hans. Hann bætti því við að norður-kóreski leið­tog­inn sé undir gríð­ar­legu álagi, hann ótt­ist mikið um öryggi sitt og hafi þetta leitt til þess að hann sé orðin hömlu­laus ofæta, auk þess sem hann drekki í óhófi.

Fyrr í síð­ustu viku sýndi norður-kóreska rík­is­sjón­varpið óvænt stutt brot af Kim Jong sof­andi á fundi Komm­ún­ista­flokks lands­ins. Svefn á sam­komum á vegum rík­is­stjórnar Norður-Kóreu getur reynst stór­hættu­legur gjörn­ingur, nema við­kom­andi beri titil eins og Elsku­legur og Virtur Félagi og Algjör Yfir­ráður Hers Kóresku Alþýð­unnar. Heim­ildir leyni­þjón­ustu Suður-Kóreu halda því fram að yfir­maður innan norður-kóreska hers­ins sem dott­aði á her­sýn­ingu nálægt Pyongyang í fyrra hafi í kjöl­farið verið dæmdur til dauða, af Kim Jong-un.

 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

4
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár