„Kvótakerfið var ekki búið til svo nokkrir einstaklingar gætu orðið ofurríkir“

Formaður Fram­sókn­ar­flokks­ins seg­ist vilja umbætur í sjáv­ar­út­vegi sem feli í sér auð­linda­á­kvæði í stjórn­ar­skrá, lægra þak á kvóta og að kvóta verði úthlutað til til­tek­inna ára í senn. Hann hefði reynt að koma á slíku tíma­bundnu kerfi.

Sigurður Ingi Jóhannsson, formaður Framsóknarflokksins.
Sigurður Ingi Jóhanns­son, for­maður Fram­sókn­ar­flokks­ins. Mynd: Bára Huld Beck

„Kvóta­kerfið var ekki búið til svo nokkrir ein­stak­lingar gætu orðið ofur­ríkir. Það var ekki búið til svo þeir fjár­munir sem urðu til við aukna verð­mæta­sköpun færu á flakk milli reikn­inga á aflandseyjum.Það var búið til svo Íslend­ingar allir gætu notið hags­bóta af öfl­ugum íslenskum sjáv­ar­út­vegi.“ Þetta sagði Sigurður Ingi Jóhanns­son, for­maður Fram­sókn­ar­flokks­ins, í ræðu sinni á mið­stjórn­ar­fundi flokks­ins sem fram fór í dag.

Sigurður Ingi gerði þar meðal ann­ars Sam­herj­a­málið að umtals­efni. Hann sagði það hafa skekið sam­fé­lagið og að fólk væri eðli­lega reitt. „Reitt yfir þessu fram­ferði stór­fyr­ir­tæk­is­ins sem birt­ist í umfjöll­un­inni en ekki hvað síst reitt yfir þeim aðstöðumun sem stór­fyr­ir­tæki og almenn­ingur búa við.“

Hann sagði að umbætur í sjáv­ar­út­vegi væru bæði nauð­syn­legar og tíma­bærar og að Framsókn myndi beita sér fyrir þeim. „Því Ísland á að vera land tæki­fær­anna. Og Framsókn er afl umbóta í íslensku sam­fé­lagi. Ekki flokkur bylt­inga. Flokkur umbóta.“

Sigurður Ingi sagði að það þyrfti ekki mikið inn­sæi til að átta sig á því að Íslend­ingar væru ekki búnir að jafna sig eftir hrunið og þau miklu svik sem almenn­ingur upp­lifði þegar heilt banka­kerfi hrundi. „Ofan í það komu Panama-skjölin og nú Sam­herj­a­málið. Margir upp­lifa það kerfi sem við höfum byggt upp sem ófull­komið og mátt­vana til að standa vörð um hags­muni almenn­ings. Á þessum stundum hljóðna líka í smá stund þær raddir sem hæst hafa um „ofvaxnar“ eft­ir­lits­stofn­anir og of flókið og íþyngj­andi kerfi. Því mark­að­ur­inn þarf jú ekki eft­ir­lit því hann sér um það sjálfur! Þennan söng heyrðum við á árunum fyrir efna­hags­hrunið. Segir ekki ein­hvers staðar að skil­grein­ingin á brjál­æði sé að gera sömu mis­tökin aftur og aftur? Frelsi er mik­il­vægt en án ábyrgðar er frelsið lít­ils virði.“

Vill lækka kvótaþak og úthluta kvóta tímabundið

Í ræð­unni fór Sigurður Ingi um víðan völl, en mik­ill þungi var í umfjöllun um sjáv­ar­út­veg. Hann rifj­aði upp að Fram­sókn­ar­flokk­ur­inn hefði komið að því á sínum tíma að setja kvóta­kerfið á en Sigurður Ingi sagð­ist leyfa sér að full­yrða að á þeim tíma hafi engum dottið til hugar að staðan árið 2019 yrði sú að svo fá fyr­ir­tæki væru með svo stóran hlut kvót­ans. „Og ekki nóg með það heldur farin að banka í hámarks­þakið. Það er auð­vitað gleði­legt og jákvætt að íslenskur sjáv­ar­út­vegur sé með þeim fremstu, ef ekki sá fremsti, í heim­inum. Það breytir því ekki að umbóta er þörf. Fyrr á árinu var í sam­ráðs­gátt stjórn­valda nýtt auð­linda­á­kvæði stjórn­ar­skrár sem er hluti af þeirri mark­vissu vinnu rík­is­stjórn­ar­innar í umbótum á stjórn­ar­skránni. Ég tel gríð­ar­lega mik­il­vægt að slíkt auð­linda­á­kvæði sé í stjórn­ar­skrá íslensku þjóð­ar­innar.“

Slíkt ákvæði dugi þó ekki eitt og sér heldur verði sátt að ríkja um nýt­ingu auð­linda þjóð­ar­innar, þ.e. orku, lands eða fiski­miða. „Árin 2014 og 2015 lagði ég sem sjáv­ar­út­vegs­ráð­herra í mikla vinnu við frum­varp um stjórn fisk­veiða, vinnu sem byggð­ist á til­lögum sátta­nefndar þar sem að komu full­trúar allra stjórn­mála­flokka og hags­mun­að­ilar. Það frum­varp fól í sér að í sjáv­ar­út­vegs­fyr­ir­tæki gerði samn­ing um kvóta til ákveð­ins tíma, 23 ára, sem und­ir­strikar eign þjóð­ar­innar á auð­lind­inni en gefur sjáv­ar­út­vegs­fyr­ir­tækj­unum tæki­færi til lang­tíma­hugs­unar og býr til fyr­ir­sjá­an­leika. Frum­varpið komst ekki inn til þings­ins vegna mik­illar and­stöðu sam­starfs­flokks­ins. Ég tel að grunnur að sátt um sjáv­ar­út­veg­inn felist í þessu frum­varpi og því að lækka hámark kvóta­þaks, bæði í heild­ar­afla­heim­ildum og í ein­stökum teg­undum, og vinna þannig að auk­inni dreif­ingu kvóta. Frum­varpið hefði haft mikil áhrif á sam­fé­lagið og stuðlað að meiri sátt, meira jafn­vægi í sam­fé­lag­inu.“

Segir sitjandi ríkisstjórn svar við ósk kjósenda

Sigurður Ingi sagði rík­is­stjórn­ina sem nú situr hafa verið svarið við ósk kjós­enda um jafn­vægi og fram­sókn í mik­il­vægum málum. Í kringum kosn­ingar til Alþingis árið 2017 hafi kann­anir sýnt að 74 pró­sent kjós­enda hafi viljað sjá Framsókn í rík­is­stjórn. „Fólk var orðið þreytt á víga­móðum stjórn­málum og vildi sjá festu og jafn­vægi í stjórn lands­ins eftir erfið ár frá hruni. Á þessum grunni og þeim skýru skila­boðum sem kjós­endur gáfu í kosn­ingum þar sem meg­in­á­herslan var á upp­bygg­ingu inn­viða sam­fé­lags­ins sem höfðu látið á sjá í þeim miklu nið­ur­skurðar­árum eftir hrunið.[...]Framsókn hefur í þessu far­sæla sam­starfi við Vinstri-græn og Sjálf­stæð­is­flokk unnið að heil­indum fyrir lands­menn alla að því að koma í fram­kvæmd þeim stefnu­málum sem við settum á odd­inn í kosn­inga­bar­átt­unni og ég er stoltur af árangrinum.“

Hann sagði að á Íslandi geti fólk brot­ist til áhrifa í sam­fé­lag­inu og eigin lífi hver sem upp­runi þess sé. „Að mínu mati er eitt það fal­leg­asta og mik­il­væg­asta við íslenskt sam­fé­lag að hér er félags­legur hreyf­an­leiki einn sá mesti á byggðu bóli, ef ekki sá mesti. Fólki er með öfl­ugu mennta­kerfi og sterku félags­legu neti gert kleift að láta hæfi­leika sína blómstra. Það er ekki aðeins mik­il­vægt fyrir ein­stak­ling­inn heldur sam­fé­lagið allt að hæfi­leikar fólks geti verið grunnur að betra lífi, meiri lífs­gæðum. Ísland er land tæki­fær­anna. Við erum flokkur umbóta.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Samherjaskjölin

AfhjúpunSamherjaskjölin

Lög­reglan á nýrri slóð: Fundu skila­boð Þor­steins

Tækni­mönnum á vegum hér­aðs­sak­sókn­ara tókst á dög­unum að end­ur­heimta á annað þús­und smá­skila­boð sem fóru á milli Þor­steins Más Bald­vins­sonar og Jóhann­esar Stef­áns­sonar, á meðan sá síð­ar­nefndi var við störf í Namibíu. Skila­boðin draga upp allt aðra mynd en for­stjór­inn og aðrir tals­menn fyr­ir­tæk­is­ins hafa reynt að mála síð­ustu fimm ár.

16 mín. lestur

RannsóknirSamherjaskjölin

Lögmaður namibískra sjó­manna við Samherja: „Borgið það sem þið skuldið þeim“

Lögmaður skip­verj­anna tutt­ugu og þriggja sem dæmdar voru bætur vegna ólög­legrar upp­sagnar Sam­herj­a­fé­lags í Namibíu, kallar eftir því að Íslend­ingar axli ábyrgð á fram­komu sinni í Namibíu. Það stand­ist enga skoðun að Samherji hafi ekki vitað af mál­inu. For­stjóri Samherja lof­aði því að fyr­ir­tækið myndi sjá til þess að staðið yrði við allar skuld­bind­ingar og sér­stak­lega hugað að sjó­mönnum sem starfað hefðu fyrir félagið.

Mest lesið

1
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár