Sara Rós Kristinsdóttir, félagsliði og NLP-markþjálfi, stofnaði árið 2016 Facebook-síðuna Jákvæðar fréttir. „Mér hefur alltaf fundist vera einblínt á neikvæðar fréttir og það sem vekur athygli fólks eru oft neikvæðar fréttir. Það er auðvitað þörf fyrir að tala um það sem er að gerast í heiminum en mér fannst vanta meiri áherslu á jákvæðar fréttir. Mér fannst Facebook vera góður vettvangur til að deila jákvæðum fréttum hinna ýmsu fjölmiðla,“ segir Sara Rós. „Þetta er frekar einföld leið til að gera jákvæðar fréttir sýnilegar.“ Þess má geta að í ár bættist Jón Rúnar Jónsson við sem umsjónarmaður síðunnar þannig að þau eru nú tvö í þessu. Síðan er unnin í sjálfboðavinnu. Þá má geta þess að Sara og Fanney Þórisdóttir halda einnig úti Facebook- og Instagram-síðunum Tilviljunarkennd góðmennska og Lífsstefna þar sem er einnig jákvætt og uppbyggilegt efni.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.













































Athugasemdir