Flokkur

Samfélag

Úttekt

Björn Ingi fékk kúlulán meðfram lundafléttu

20. apríl 2017 Björn Ingi Hrafnsson var umsvifamikill í íslensku viðskiptalífi á meðan hann starfaði sem náinn samstarfsmaður Halldórs Ásgrímssonar forsætisráðherra, sem stjórnmálamaður í borginni og síðar blaðamaður hjá 365 miðlum. Það sem einkennir fjárhagslegar fyrirgreiðslur til Björns Inga á þessu tímabili er að alltaf eru aðilar tengdir Kaupþingi handan við hornið.

16 mín. lestur

Reynsla

Snæbjörn Brynjarsson

Páskar í Loutraki

16. apríl 2017 Páskarnir eru stóra hátíðin á Grikklandi, skör ofar en jólin. Páskar eru sá tími sem fjölskyldan kemur saman, fer á miðnæturmessu og borðar hefðbundinn páskamat. Mjög margar fjölskyldur halda sig frá kjötáti mánuðinn á undan og borða aðallega fisk. Einn vinsælasti rétturinn á þeim tíma er saltfiskur, bakalaó, sem fluttur er inn alla leiðina frá Íslandi.

FréttirPanamaskjölin

Heimsókn forsætisráðherrafrúar til fiskútflytjanda í Panama-skjölunum vekur hörð viðbrögð

12. apríl 2017 Innlitsþáttur Þóru Margrétar Baldvinsdóttur, hönnunarráðgjafa og eiginkonu forsætisráðherra, er gagnrýndur fyrir félagslega og menningarlega firringu. Í nýjasta þættinum heimsækja þáttarstjórnendur heimili manns sem stundaði aflandsviðskipti og kom fram í Panama-skjölunum.

FréttirVaxandi misskipting

Lausnin felst í samstöðu grasrótarinnar, aukinni menntun og algjörri hugarfarsbreytingu

10. apríl 2017 Hvernig bregst fólk við þegar atvinnuöryggi minnkar og misskipting eykst? Æ fleiri leita í fang sterkra leiðtoga sem boða auðveldar lausnir á meðan þeir egna ólíkum þjóðfélagshópum saman. Stundin ræddi við fræðimenn um misskiptinguna í íslensku og alþjóðlegu samhengi. Þeir benda meðal annars á að aukin menntun stuðli að meiri jöfnuði.

Fréttir

Hættulegt ef við færum yfir þessi mörk

9. apríl 2017 Umræða um dánaraðstoð hefur ekki farið fram hjá Landlæknisembættinu, en Birgir Jakobsson landlæknir er alfarið á móti þeirri hugmynd að boðið yrði upp á dánaraðstoð hér á landi. „Við eigum frekar að virða líf heldur en að taka líf,“ segir hann og bendir á að boðið sé upp á líknarmeðferð sem geri dauðvona sjúklingum kleift að fá mannsæmandi endalok.

Fréttir

Stofna félag um dánaraðstoð

9. apríl 2017 Lífsvirðing, félag um dánaraðstoð, var stofnað í janúar. Tilgangur félagsins er að stuðla að opinni, uppbyggilegri og víðtækri umræðu um dánaraðstoð og að vinna að því að samþykkt verði löggjöf um að við vissar aðstæður og að uppfylltum ströngum skilyrðum verði dánaraðstoð valkostur fyrir þá sem kjósa að mæta örlögum sínum með þeim hætti.

Viðtal

Studdi eiginmanninn í sjálfsvíginu

9. apríl 2017 Steinar Pétursson tók ákvörðun um að deyja í heimalandi eiginkonu sinnar, Sviss. Á brúðkaupsdaginn þeirra, í byrjun mars 2013, héldu þau utan, þar sem hann lést eftir að hafa tekið banvæna lyfjablöndu hjá stofnun sem veitir löglega dánaraðstoð. Steinar var orðinn mjög veikur vegna illkynja heilaæxlis og kaus að fara þessa leið til þess að deyja á meðan hann vissi enn hver hann var. Ekkja hans, Sylviane Lecoultre Pétursson, ákvað að styðja hann í þessu ferli, sækja um dánaraðstoðina, afla nauðsynlegra gagna, kaupa fyrir hann flug og koma honum út, þar sem fjölskyldan sat hjá honum á meðan hann var að deyja. Hún efnir nú loforð við hann með því að vinna að því að opna umræðuna í gegnum Lífsvirðingu - félag um dánaraðstoð.

16 mín. lestur

Fréttir

Mútur í íslenskum stjórnmálum

6. apríl 2017 Eiríkur Bergmann, prófessor í stjórnmálafræði, veltir fyrir sér mútum í íslenskum stjórnmálum, og reynir að átta sig á því hvers vegna frásagnir af þeim eru gjarnan færðar fram í hálfkveðnum vísum.

Erlent

Misskiptingin eykst á feikihraða og ógnar lýðræðinu

5. apríl 2017 Sex einstaklingar eiga nú jafn mikið og helmingur mannkyns. Auðurinn sópast frá þeim sem minnst eiga og safnast á hendur hinna fáu sem eiga mest. Sérfræðingar óttast að hin sívaxandi misskipting ýti enn frekar undir sókn hægri popúlista á Vesturlöndum. Misskiptingin minnst í þeim ríkjum þar sem efnahagslegt lýðræði er mest.

Fréttir

Frumvarp um jafnlaunavottun afgreitt úr ríkisstjórn

3. apríl 2017 Frumvarpið sem var kynnt á blaðamannafundi Viðreisnar í október og átti að verða forgangsmál varð ekki fyrsta frumvarpið sem ráðherra lagði fram á Alþingi líkt og lagt var upp með. Frumvarpið hefur vakið heimsathygli þótt það hafi í raun ekki enn komið fyrir Alþingi. Það var hins vegar afgreitt úr ríkisstjórn í síðustu viku.

ViðtalÁstandið á Sólheimum

Sjálfboðaliði ósáttur eftir leynilegt ástarsamband við sjötugan stjórnarformann Sólheima

2. apríl 2017 Selma Özgen er ein þeirra sem er ósátt við reynslu sína af sjálfboðaliðastarfi á Sólheimum. Selma átti í ástarsambandi við stjórnarformann Sólheima, Pétur Sveinbjarnarson, sem er 42 árum eldri en hún. Mikið valdamisvægi var á milli þeirra tveggja og segir Selma að hún hafi fengið þau skilaboð að hún yrði látin fara frá Sólheimum ef hún tjáði sig um sambandið, en hún var háð Sólheimum með landvistarleyfi. Gögn sýna hvernig Pétur bað hana að halda leynd yfir komum sínum til hans.

10 mín. lestur

Fréttir

Logi Bergmann kallar fólk í kommentakerfinu „fávita“ vegna umræðu um ráðherra

2. apríl 2017 Þáttarstjórnendurnir Logi Bergmann Eiðsson og Rúnar Freyr Gíslason segja fólk sem lætur reiði sína gagnvart stjórnmálamönnum í ljós í kommentakerfum ekki hafa sjálfsvirðingu og að það ætti ekki að mega eignast börn. Logi Bergmann kallaði fólkið „fávita“ en hann er kvæntur aðstoðarmanni forsætisráðherra.

Mest lesið undanfarið ár