16. júlí 2023 Formaður fjár­laga­nefndar, Bjarkey Olsen Gunn­ars­dóttir, sendi fyr­ir­spurn um starfs­loka­samn­ing for­stjóra Íslands­banka en ekki um sölu­þókn­anir vegna söl­unnar á hlut rík­is­ins í bank­anum, að sögn Þor­bjargar Sigríðar Gunn­laugs­dóttur þing­manns Við­reisnar. Hún telur um „mjög skýran póli­tískan leik“ að ræða.

12. júlí 2023 Formaður fjár­laga­nefndar ætlar ekki að kalla nefnd­ina saman til þess að afla frek­ari upp­lýs­inga um sölu Íslands­banka á um fjórð­ungs­hlut rík­is­ins í honum. Þing­maður Sam­fylk­ing­ar­innar segir að með þessu sé upp­lýs­inga­öflun um málið hindruð.

4. júlí 2023 Rík­is­end­ur­skoðun hefur boðað að unnið sé að eft­ir­fylgni vegna stjórn­sýslu­út­tektar sem stofn­unin fram­kvæmdi á sölu á 22,5 pró­sent hlut rík­is­ins í Íslands­banka. Guð­mundur Björgvin Helgason rík­is­end­ur­skoð­andi segir við Heim­ild­ina að ekki sé hægt að sjá að for­svars­menn Banka­sýsl­unnar hafi dregið nokkurn lær­dóm af skýrslu Rík­is­end­ur­skoð­unar.

3. júlí 2023 Nýr banka­stjóri Íslands­banka tók ákvörðun um að tveir stjórn­endur innan bank­ans yrðu að víkja vegna ábyrgðar þeirra á útboði á hlut rík­is­ins í bank­anum. Jón Guðni Ómarsson segir að með því og öðrum aðgerðum haldi hann að takast megi að vinna aftur traust í garð bank­ans en það muni taka tíma „og mikla vinnu“.

2. júlí 2023 Aðeins á fimmta sól­ar­hring leið milli þess sem Birna Ein­ars­dóttir lýsti því að hún nyti trausts stjórnar Íslands­banka og hefði ekki hugsað sér að láta af störfum sem banka­stjóri þar til til­kynn­ing um starfs­lok hennar barst, um miðja nótt. Á sínum tíma lýsti Birna bónus­kerfum bank­anna sem „glóru­lausum“ en fékk þó sjálf á fimm ára tíma­bili um 35 millj­ónir í bónusa frá bank­anum. Þá sem kallað höfðu eftir að höfuð hennar yrði látið fjúka kvaddi hún með því að óska þeim „vel­farn­aðar í þeirra störfum“.

1. júlí 2023 Ásmundur Tryggva­son hefur sagt upp störfum hjá Íslands­banka. Hann var einn þeirra starfs­manna bank­ans sem keyptu í lok­uðu útboði á hlutum rík­is­ins í Íslands­banka.

29. júní 2023 Fjár­mála­eft­ir­litið tók ákvörðun um að for­gangs­raða athugun sinni á aðkomu Íslands­banka að hluta­bréfa­út­boð­inu í bank­anum sjálfum í fyrra, sem nú er lokið með sátt. Hins vegar er þáttur ann­arra fyr­ir­tækja sem komu að útboð­inu enn til skoð­unar og reikna má með að nokkuð sé í að nið­ur­staða fáist, miðað við að Lands­bank­inn seg­ist enn hafa frest frá fjár­mála­eft­ir­lit­inu til að skila þangað gögnum.

29. júní 2023 Þingmenn Pírata ætla að óska rök­stuðn­ings fyrir yfir­strik­unum í sátt Íslands­banka og fjár­mála­eft­ir­lits Seðla­banka Íslands á nöfnum þeirra sem upp­fylltu ekki skil­yrði til þess að kaupa hlut í Íslands­banka við sölu rík­is­ins á hlut í bank­anum. Arndís Anna Krist­ín­ar­dóttir Gunn­ars­dóttir verður sann­færð­ari með hverju skrefi í mál­inu að skipun rann­sókn­ar­nefndar sé nauð­syn­leg.

29. júní 2023 Í það minnsta tveir þing­menn Vinstri grænna eru þeirrar skoð­unar að Banka­sýslan eigi að krefj­ast þess á hlut­hafa­fundi í Íslands­banka að stjórn bank­ans segi af sér. Steinunn Þóra Árna­dóttir, þing­maður flokks­ins, lýsir þess­ari skoðun og Orri Páll Jóhanns­son sam­flokks­maður hennar tekur undir.

28. júní 2023 Þrátt fyrir að Íslands­banka hafi tek­ist að fremja alvar­leg lög­brot við sölu á almanna­eign hafa ráða­menn sagt eft­ir­lit með bönk­unum virka vel. Stjórn­ar­for­maður Banka­sýslu rík­is­ins er sam­mála því, en við­ur­kennir að það virki ekki nákvæm­lega á þeim tíma­punkti sem brot eru framin.