2. júlí 2023 Ef það væri ekki fyrir eyði­legg­ing­una og ein­staka hvelli úr fall­byssum stór­skota­liðs í nágrenn­inu, gæti þorpið Orikhiv verið leik­mynd fyrir krútt­legan, enskan sveitabæ. Rósir, val­múar og önnur vor­blóm blómstra um allan bæ og grænar hlíðar eru skreyttar litlum og fal­legum stein­húsum. Hvert hús með græn­met­is­garð og vín­við vax­andi í netum sem skríða upp hús­vegg­ina. Bærinn sem var áður mið­stöð land­bún­aðar á Zaporizhzhia svæð­inu, hýsti um 14.000 íbúa í sveita­sælu og vel­megun fyrir stríð.

3. janúar 2023 Það eru ekki bara her­menn í fremstu víg­línu sem lagt hafa líf sitt að veði fyrir sjálf­stæði Úkraínu eins og Óskar Hall­gríms­son komst að. Rúmlega fimm­tug kona sem rekið hefur dýra­at­hvarf fyrir þús­undir gælu­dýra sem orðið hafa við­skila við eig­endur sína í inn­rásinni, segir brosið hafa verið hennar aðal vopn þegar hún afl­aði upp­lýs­inga hjá rúss­neska hernum og hjálp­aði þannig til við að hnekkja fram­rás Rússa.

30. desember 2022 Ljós­mynd­ar­inn Óskar Hall­gríms­son býr ásamt eig­in­konu sinni í Úkraínu. Hann hefur und­an­farið ár þurft að dvelja lang­dvölum í vari undan sprengjuregni en milli þess farið um og skrá­sett inn­rás Rússa, sam­stöðu heima­manna og bar­áttu við inn­rás­ar­her­inn og afleið­ingar hrotta­legra stríðs­glæpa. Það var að morgni 24. febr­úar sem Rússar hófu og skap­aði mesta flótta­manna­straum frá seinni heim­styrj­öld­inni.

17. desember 2022 Íbúar Kherson eru enn að reyna að ná áttum eftir að svæðið var frelsað undan níu mán­aða her­setu Rússa. Enn rignir þó sprengjum yfir svæðið. Hern­að­ar­leg skot­mörk skipta Rússa engu lengur, eins og Óskar Hall­gríms­son komst að á ferð um svæðið.

27. nóvember 2022 Mis­heimskar eld­flaugar hafa dunið á úkra­ínskum borgum og almenn­ingi í 270 daga. 17 eld­flauga­árásir hvern ein­asta dag að með­al­tali. Loft­varnir hafa gert mikið en inn­viðir í stóru landi eru ekki svipur hjá sjón. Rafmagni er skammtað. Stjórn­völd biðla til fólks sem á þess kost að fara utan að gera það. En á meðan læra börnin í tón­list­ar­skól­anum í Irpin að spila og syngja í myrkri.

19. nóvember 2022 Í bænum Avdiivka í nágrenni Donetsk í Úkraínu býr fólk sem gat ekki flúið þegar stríðið braust út. Fólk sem er veikt eða í slæmri félags­legri stöðu. Þar hefur Ivan sem er 24 ára gam­all Úkra­ínu­maður barist í fjórtán mán­uði, fyrst við aðskiln­að­ar­sinna og nú her­sveitir Rússa. Þrátt fyrir ungan aldur stýrir Ivan þús­und manna her­deild.