Greint frá því í fjölmiðlum að Samherji hafi keypt Afríku­útgerð Sjólaskipa sem gerð var út frá Kanarí­eyjum. Kaupverðið var um 16 milljarðar króna og var fjármagnað af Glitni, síðar Íslands­banka. Útgerðin er nefnd Katla Seafood.

Starfsmenn Samherja, Aðalsteinn Helgason, Jóhannes Stefánsson og Sigurður Ólason, funda með Ólafari Ragnari Grímssyni, forseta Íslands, til að biðja um liðsinni hans við sjávarútveg og viðskipti félagsins í Marokkó.

Katla Seafood á Kanaríeyjum sækir um banka­reikning fyrir félagið Cape Cod FS í skattaskjólinu Marshall-eyjum hjá DNB NOR bankanum í Noregi. Brynjar Thorsson, starfsmaður Kötlu Seafood, er einn þeirra sem hefur heimild til að nota banka­reikninginn. Reikningurinn er notaður til að greiða laun sjómanna Samherja í Afríku.

Jóhannes Stefánsson ferðast til Namibíu til að kanna aðstæður í landinu vegna mögulegra fjárfestinga Samherja þar.

Samherji, í gegnum Esju Mar Fishing, gerir ráðgjafasamning við Tamson Hatukulipi, tengdason sjávarútvegs­ráðherra Namibíu, um að hann veiti félaginu aðstoð við að komast yfir aflaheimildir í landinu.

Samherji hefur veiðar á hestamakríl í Namibíu eftir að hafa keypt kvóta af tveimur kvóta­­höfum. Um þetta segir í fundar­gerð frá stjórnenda­fundi Samherja: „Niður­staðan varð sú að við sömdum við tvö JV og Fish Consumption Trust um alls 28.000 tonn fyrir afar hátt verð.“

Samherji fer í skuldabréfaútboð í gegnum dótturfélag sitt Kaldbak og lætur fisksölufyrirtæki sitt á Kýpur, Esju Seafood, fjárfesta fyrir 2,4 milljarða í bréfunum í gegnum fjárfestingarleið Seðlabanka Íslands. Þannig kemur Samherji ríflega tveimur milljörðum króna frá Kýpur til Íslands með 20 prósent afslætti.

Seðlabanki Íslands og sérstakur saksóknari framkvæma húsleit á skrifstofum Samherja vegna gruns um meint brot á gjaldeyrishaftalögum vegna fisksölu frá Íslandi.

Samherji greinir frá því að Kýpur sé ekki skattaskjól eftir að DV fjallar um eignarhaldsfélög Samherja á Kýpur. Bankagögnin um Kýpurfélög Samherja, Esju Seafood og Esju Shipping Limited, sýna nú hvernig þessi félög og önnur Kýpurfélög eru miðpunkturinn í aflandsviðskiptum Samherja, meðal annars í gegnum skattaskjól eins og Máritíus, Dubaí og Marshall-eyjar.

Þorsteinn Már Baldvinsson, Aðalsteinn Helgason og Jóhannes Stefánsson funda með sjávarútvegsráðherra Namibíu, Bernhardt Esau, á búgarði í eigu ráðherrans. James og Tamson Hatuikulipi eru einnig viðstaddir fundinn.

Greint frá því í DV að Samherji hafi fest kaup á 30 þúsund hesta­makrílskvóta í Namibíu og hafið veiðar þar fyrr á árinu.

Seðlabanki Íslands kærir Samherja til embættis sérstaks saksóknara vegna meintra brota á gjaldeyris­haftalögum.

Jóhannes Stefánsson tekur við sem framkvæmdastjóri Arcticnam Fishing í Namibíu.

Samherji selur Afríkuútgerðina Kötlu Seafood til rússneska útgerðarfélagsins Murmansk Trawl Fleet fyrir 20 milljarða króna.

Tamson Hatuikulipi, tengdasonur sjávarútvegsráðherra Namibíu, gerir ráðgjafasamning við Kötlu Seafood Namibia, sem Jóhannes Stefánsson undirritar fyrir hönd Samherja, í gegnum félag sitt Erongo Clearing and Forwarding um að hann sjái til þess að reyna að tryggja Samherja fiskveiðikvóta í Namibíu og Angóla. Í samningnum á Tamson að „veita ráðgjöf varðandi samskipti við lykilmenn og kvótahafa í Namibíu og Angóla“.

Sacky Shangala sendir tölvupóst með orðunum: „Gentlemen, we are in business“ til Jóhannesar og viðskiptafélaga sinna James og Tamson eftir að ljóst var að Namgomar fengi veiðileyfi í Angóla á grundvelli milliríkjasamnings Namibíu og Angólu.

James Hatuikulipi stofnar aflandsfélagið Tundavala Invest Limited í skattaskjólinu Dubai í Sameinuðu arabísku furstadæmunum. Félagið tekur við hundruð milljóna króna mútugreiðslum frá félagi Samherja á Kýpur. Esju Seafood, á næstu árum.

Staðfesting frá sjávarútvegsráðuneyti Namibíu berst til Jóhannesar Stefánssonar um að ráðuneytið hafi úthlutað 7 þúsund tonna hestamakrílskvóta til fyrirtækisins Namgomar. „Kvótinn er kominn fyrir Namgomar verkefnið,“ skrifar Jóhannes í tölvupósti til Þorsteins Más Baldvinssonar og Aðalsteins Helgasonar.

James Hatuikulipi, Tamson Hatuikulipi og Sacky Shangala koma til Íslands í vikulanga heimsókn. Erindið er meðal annars að ræða um Namgomar-verkefnið, samstarfsverkefni á milli Namibíu og Angóla, um veiðar á hestamakríl í löndunum tveimur. Félag Samherja í Namibíu veiddi fiskinn í samstarfsverkefninu.

James Hatuikulipi, Tamson Hatuikulipi og Sacky Shangala funda með Þorsteini Má Baldvinssyni og Jóhannesi Stefánssyni á skrifstofu Samherja í Katrínartúni. Sacky Shangala flytur erindi sem sýnir hvernig hægt er að úthluta nýjum hestamakrílskvóta á grundvelli milliríkjsamnings við annað Afríkuríki, svokallað Namgomar-verkefni sem Samherji naut góðs af. Kristján Þór Júlíusson, þáverandi menntamálaráðherra, kemur í heimsókn á sama tíma og heilsar upp á þremenningana.

Samherji, í gegnum félagið Esja Holdings Ltd., gerir samning um að veiða hestamakrílskvóta sem úthlutað er til félagsins Namgomar, félagi sem stofnað er á grundvelli milliríkjasamstarfs á milli Namibíu og Angóla. Samningurinn er undirritaður þennan dag. Ingvar Júlíusson skrifar undir samninginn fyrir hönd Samherja, Esju, og Ricardo Gustavo fyrir hönd Namgomar-félagsins, Ricardo þessi er jafnframt starfsmaður fyrirtækis í eigu James Hatuikulipi.

Þorsteinn Már Baldvinsson og Jóhannes Stefánsson sitja fund með James Hatuikulipi í höfuðstöðvum Samherja í Katrínartúni. Þar kemur Þorsteinn Már með þá hugmynd að Samherji geti greitt skattaskjólsfélagi James, Tundavala Investments, í Dubaí frá félaginu Esju Seafood á Kýpur. Greiðslurnar eru þóknanir, mútur, til James og félaga hans út af Namgomar-verkefninu. Samkomulagið um greiðslurnar er munnlegt.

Esja Seafood á Kýpur, sama fyrirtæki og notað var til að taka þátt í fjárfestingarleið Seðlabanka Íslands árið 2012, millifærir 150 þúsund dollara, tæplega 18 milljónir króna, í mútur til félags James Hatuikulipi í Dubaí.

Samherji opinberar ársuppgjör sitt 2013 og 7,7 milljarða söluhagnað vegna sölu Afríkuútgerðarinnar á Kanaríeyjum. Þorsteinn Már segir í tilkynningu: „Við seldum góðar eignir sem búið var að leggja mikla vinnu í að breyta og bæta. Það er því alltaf ákveðin eftirsjá þegar horft er til baka og ekki síst í því góða fólki sem hafði tekið þátt í þessu með okkur. Efnahagur okkar og rekstur minnkaði umtalsvert í kjölfarið og verkefni okkar er að fylla í það skarð á næstu misserum.“ Í sömu tilkynningu segir Þorsteinn Már að veiðarnar í Namibíu hafi gengið vel. „Það hefur líka gengið vel í Namibíu þar sem við gerum út frystiskip…“

Lögmaðurinn Bernhard Bogason staðfestir stofnun félagsins Mermaria Investments fyrir Samherja í skattaskjólinu Máritíus. 640 milljónir renna skattfrjálsar til félagsins úr rekstrinum í Namibíu á næstu árum. Greiðslurnar eru skilgreindar sem sérleyfisgreiðslur, sérstakar þóknanir til Samherja, sem námu 5 prósent af tekjum útgerðarinnar í Namibíu.

Esja Seafood á Kýpur millifærir tæplega 450 þúsund dollara, tæplega 60 milljónir króna, í mútur til félagsins Tundavala Investments í Dubaí.

Embætti sérstaks saksóknara, nú héraðssaksóknara, fellir niður málið á hendur Samherja vegna meintra brota á lögum um gjaldeyrismál. Þar með lýkur rúmlega 2 ára rannsókn á meintum brotum.

Þorsteinn Már Baldvinsson stígur fram í viðtali við DV og gagnrýnir Seðlabanka Íslands fyrir rannsóknina á meintum gjaldeyrisbrotum fyrirtækisins og segir að margir hafi grátið vegna rannsóknarinnar „Ég grét ekki en það grétu margir aðrir.“ Þorsteinn krefst afsagnar Más Guðmundssonar seðlabankastjóra.

Dótturfélag Samherja á Kýpur, Esja Seafood, leggur 300 þúsund dollara, tæplega 38 milljónir króna, í mútur inn á reikning Tundavala Invest Limited í Dubái.

Katla Seafood Namibia, dótturfélag Samherja, leggur þrjár milljónir namibískra dollara, tæplega 25 milljónir króna, inn á reikning félagsins JTH Trading í Namibíu sem er í eigu Tamson Fitty Hatuikulipi, tengdasonar sjávarútvegsráðherra Namibíu, Bernhard Esau.

James Hatuikulipi, Sacky Shangala og Tamson Fitty Hatuikulipi mæta á árshátíð Samherja í Íþróttahöllinni á Akureyri.

Sjávarútvegsráðherra Namibíu, Bernhard Esau, heimsækir togara Samherja, Heinaste, og hittir starfsmenn félagsins. Í tölvupósti til Þorsteins Más Baldvinssonar þann 20. maí 2016 segir Jóhannes Stefánsson að hún „stóð í 2 klst og þau borðuðu líka um borð (voru mjög ánægð með matinn)“.

Jóhannes Stefánsson lætur af störfum hjá Samherja í Namibíu.

Kýpurfélag Samherja, Esja Seafood, leggur 525 þúsund dollara, rúmlega 64 milljónir króna, inn á reikning Tundavala Invest í Dubaí.

Bandaríski bankinn Bank of New York Mellon stöðvar millifærslu frá bankareikningi kýpverska félagsins JPC Ship Management sem er fyrirtæki sem Samherji réði austur-evrópska sjómenn í gegnum fyrir verksmiðjuskip sín í Namibíu.

Síðasta millifærslan sem JPC Ship Management fékk að ganga frá áður en DNB NOR bankinn lokaði á viðskipti félagsins vegna hættu á peningaþvætti.

Norski bankinn DNB NOR lokar á viðskipti við félagið Cape Cod FS í skattaskjólinu Marshall-eyjum, sem var stýrt í gegnum Kýpur, sem notað hafði verið um árabil til að greiða starfsmönnum á togurum Samherja í Afríku laun. Ástæðan er hættan á peningaþvætti og vegna þess að norski bankinn fékk ekk fullnægjandi upplýsingar um endanlega eigendur félagsins.

Sigursteinn Ingvarsson, fyrrverandi fjármálastjóri Samherja, stígur fram og segir frá því að hann hafi orðið þunglyndur og þurft að hætta að vinna út af rannsókninni á Samherja. „Ég fór að fá kvíðaköst og fór að hugsa að þetta myndi allt fara á versta veg og að okkur tækist ekki að sannfæra þá að við værum heiðarlegt fólk og ég fór að glíma við þunglyndi.“

Fyrirtæki Samherja á Kýpur, Noa Pelagic Limited, millifærir 46 þúsund dollara, rúmlega 5.5 milljónir, í mútur inn á reikning fyrirtækis James Hatuikulipi, Tundavala Investment Limited, í Dubaí.

Fyrirtæki Samherja á Kýpur, Noa Pelagic Limited, millifærir 46 þúsund dollara, rúmlega 5,5 milljónir, í mútur inn á reikning fyrirtækis James Hatuikulipi, Tundavala Investment Limited, í Dubaí.

Þorsteinn Már Baldvinsson segir frá því að Samherji hafi kært fjóra starfsmenn Seðlabanka Íslands til lögreglunnar fyrir að hafa tekið fjölmargar ákvarðanir í málinu gegn Samherja „í vondri trú og gegn betri vitund“. Starfsmennirnir eru Már Guðmundsson, Arnór Sighvatsson, Ingibjörg Guðbjartsdóttir, Rannveig Júníusdóttir og Sigríður Logadóttir.

Jóhannes Stefánsson, fyrrverandi framkvæmdastjóri Samherja í Namibíu, stígur fram í fjölmiðlum og segir frá vinnubrögðum Samherja í landinu, mútugreiðslum til embættis- og stjórnmálamanna og notkun Samherja á skattaskjólum í erlendri starfsemi sinni.