Það er stundum sagt að sagnfræðingar gráti enn brunann sem tortímdi bókasafninu í Alexandríu í Egyptalandi en það var eitt merkasta safn heimilda sem til var um hinn forna heim. Það er hins vegar ofsögum sagt að safnið hafi fuðrað upp í heilu lagi eins og margir sjá fyrir sér í dag. Það var miklu frekar aldalöng vanræksla sem varð til þess að smám saman kvarnaðist úr safninu og byggingin tæmdist að lokum af fólki og ritum.
Um hundrað árum fyrir Kristsburð var svo komið að stjórn safnsins var almennt í höndum pólitískra afla en ekki menntamanna eins og á árum áður. 48 árum fyrir Krist brunnu að minnsta kosti 40 þúsund fornrit í stórbruna sem var settur af stað af Júlíusi Sesar og mönnum hans skammt frá bókasafninu. Þeir höfðu kveikt í eigin skipum í höfninni í nauðvörn en misstu stjórn á eldinum sem geisaði um alla Alexandríu …
Athugasemdir