W

OW air hefur tryggt sér 50 millj­ónir evra, jafn­virði 6,5 millj­arða króna, í skulda­bréfa­út­boði sínu og þar með náð lág­marks­stærð útboðs­ins. Þetta kemur fram í frétta­til­kynn­ingu sem félagið hefur sent frá sér. Skulda­bréfa­út­boðið mun standa áfram, og lýkur því á þriðju­dag.

Stefnt var að því að selja skulda­bréf fyrir að lág­marki 50 millj­ónir evra og að hámarki 100 millj­ónir evra. Þá var greint frá því í morgun í Frétta­blað­inu að Skúli Mogensen, for­stjóri og eini hlut­haf­inn í WOW air stefndi að því að fá inn hlut­hafa á móti sér í fyr­ir­tækið sem kæmi með tugi millj­óna evra í nýtt hlutafé.

Greint var frá því á dög­unum að WOW air hefði rætt við for­svars­menn Arion banka, Íslands­banka og Lands­bank­ans um hugs­an­lega aðkomu bank­anna að útboð­inu, til að tryggja lág­marks­stærð þess. Myndi slík aðkoma auð­velda vinnu við að fá aðra fjár­festa að borð­inu. Hins vegar munu bank­arnir ekki hafa verið spenntir fyrir slíkri aðkomu og því hafi verið fallið frá henni. 

Eft­ir­far­andi er yfir­lýs­ing Wow air sem send var seinni part­inn í dag:

Skulda­bréfa­út­boði WOW air lýkur á þriðju­dag­inn 18. sept­em­ber kl. 14 á íslenskum tíma. Nú þegar liggur fyrir að útgáfan verður að lág­marki 50 millj­ónir evra.

Ekki verða veitt við­töl að svo stöddu en til­kynn­ing verður send út í lok dags næst­kom­andi þriðju­dag.

Pareto Securities hefur sent eft­ir­far­andi upp­lýs­ingar á fjár­festa:

*** Wow Air - New Bond Issue - Book will close on Tuesday Sep 18th @ 16:00 CET ***

Tenor…………………3yrs

Issue Size……………EUR50mm minimum

Coupon………………3m Euribor +9% (Euribor floor at zero) + warrants

Timing……………….. Book will close on Tuesday Sep 18th @ 16:00 CET