Árið markar sögu­leg tíma­mót í örygg­is­málum Evrópu og þar með fyrir Ísland. Aukin áhersla á hags­muna­drifna milli­ríkjapóli­tík (e. transactional diplomacy) í boði Banda­ríkja­stjórnar hefur þegar haft víð­tæk áhrif og settu aðgerðir banda­ríska hers­ins í Venes­ú­ela tón­inn strax í upp­hafi árs. „Donroe-kenn­ingin“, sem er 21. aldar útgáfa Trump-stjórn­ar­innar af Monroe-kenn­ing­unni, form­gerir ein­hliða og harð­neskju­lega nálgun Banda­ríkj­anna á for­ystu í heim­inum. Evrópa reynir að ná vopnum sínum á ný – bók­staf­lega – og Íslend­ingar taka umræð­una um hvaða banda­menn við viljum og eigum í raun.

Þeir stóru verða sterkari

Baldur Þór­halls­son, pró­fessor í stjórn­mála­fræði við Háskóla Íslands, segir að stóru ríkin, Banda­ríkin, Rússland og Kína, hafi bæði endað árið 2025 og hafið nýtt ár með sprengju­árásum eða yfir­lýs­ingum um algjöra yfir­töku á nágranna­ríkjum sínum. Banda­ríkin telji áhrifa­svæði sitt ná frá syðsta odda Argent­ínu allt til Íslands og Kína boði yfir­töku á Taívan. Stríð Rússa, sem er nú á sínu fjórða ári, er …