Flúði veikindi móður sinnar með því að skapa hliðarveruleika

Á meðan jafn­aldrar Baldvins Zophoníassonar voru að glíma við við­kvæma sjálfs­mynd sem tengd­ist sam­fé­lags­stöðu þeirra á ung­lings­ár­unum átti hann í fullu fangi með veik­indi móður sinnar. Í fjögur ár hafði móðir hans barist við ill­vígt krabba­mein áður en hún lést þegar hann var aðeins þrettán ára gam­all. 

Fráfall móður hans hafði djúp­stæð áhrif sem hann er enn að gera upp í dag. „Það var mjög lítið talað um þetta á sínum tíma. Ég skil ekki af hverju við vorum ekki með henni þegar hún dó. Okkur var bara sagt að núna væri þetta búið og mér fannst það mjög óþægi­legt.

Við tóku ár hjá mér þar sem ég rambaði á mjög ranga leið í líf­inu og fór að djamma mikið; það sem bjarg­aði mér í raun og veru frá því að gjör­sam­lega sturta lífi mínu ofan í kló­sett­skál var að kærasta mín, Heiða, varð ólétt og ég tók …