Esther ólst upp hjá móður sinni en þar til hún varð átta ára bjuggu þær mæðgur hjá móð­ur­ömmu hennar og nöfnu, sem hélt utan um heim­ilið og upp­eldi barns­ins. Esther var á leik­skól­anum þar sem amma hennar vann í eld­hús­inu og segir að amma sín hafi verið svo hag­sýn að hún hafi alltaf komið með afganga af hádeg­is­matnum heim fyrir kvöld­mat­inn. „Ég skildi ekki af hverju ég þyrfti að borða sama mat­inn tvisvar sinnum á dag, en hún var ótrú­lega dug­leg kona, hún amma. Ég dáist að því hvernig hún gerði þetta. Ég hafði það mjög gott þar sem við bjuggum í Ásgarð­inum og hóf síðan nám í Breiða­gerð­is­skóla.“

For­eldrar hennar voru aldrei saman, en hún segir að faðir sinn hafi alltaf reynst sér vel. „En það hefur ekki verið auð­velt fyrir hann að skipta sér af þessum málum þegar ég var barn, þó að við séum í góðum …