Hótar nágrönnum vegna skógarelda

Donald Trump, for­seti Banda­ríkj­anna, hót­aði á föstu­dag að hækka tolla á Kanada til að standa straum af kostn­aði vegna reyk­meng­unar frá gróð­ur­eldum sem hefur lagst yfir stóran hluta Banda­ríkj­anna.

Þykkur reykur frá gróð­ur­eldum sem berst frá Kanada og norð­ur­hluta Minnesota hefur leitt til við­var­ana um óholl loft­gæði víðs vegar um Banda­ríkin.

Í dag voru 937 log­andi skóg­ar­eldar í Kanada og flestir þeirra voru úr bönd­unum, sam­kvæmt kanadíska upp­lýs­inga­kerf­inu um gróð­ur­elda.

„Þetta er vís­vit­andi van­ræksla og er að verða árlegur við­burður sem kostar Banda­ríkin millj­arða doll­ara,“ sagði Trump á Truth Social og bætti við að „kostn­að­inum af þess­ari mengun verður nauð­syn­lega að bæta við TOLLANA sem Kanada greiðir nú þegar.“

Trump sak­aði Kanada um að „við­halda ekki“ skógum sínum á réttan hátt og van­rækja „grunnd­vallar stjórnun skógar og hreinsun á rusli.“

Hann sagð­ist ætla að hringja í Mark Carney for­sæt­is­ráð­herra „til að kom­ast að því …