Margir geta eflaust tengt við það hversu auðvelt getur verið að sogast inn í heim áhrifavalda á samfélagsmiðlum – fólks sem sýnir okkur frá daglegu lífi sínu, matnum sem það eldar og annað áhugavert. Á undanförnum árum hefur nokkuð sérkennileg tískubylgja tröllriðið þessum miðlum þar sem ungar og fallegar konur sýna frá lífsstíl sem tilheyrir fortíðinni. Þær eru gjarnan kallaðar „tradwives“ sem er stytting á enska hugtakinu „traditional housewives“ og mætti þýða sem „hefðbundnar húsfrúr“ upp á íslensku. Hefðbundna húsfrúin helgar sig gamaldags kynhlutverki þar sem ábyrgð hennar snýr að langmestu leyti að góðu heimilishaldi.

Hin fullkomna kona 

Það sem hefðbundnar húsmæður eiga sameiginlegt er að líta til fortíðar og má segja að þær séu birtingarmynd hinnar „fullkomnu konu“ eins og þær birtust í neyslusamfélagi um miðja síðustu öld. Það er svo sem ekkert nýtt af nálinni að fólk fyllist fortíðarþrá. En eitthvað í nútímasamfélagi virðist vera þess valdandi að …