Norski olíu­sjóð­ur­inn, sem er stærsti fjár­fest­ing­ar­sjóður heims og í eigu norska rík­is­ins, greindi frá því á fimmtu­dag að hann hafi skilað nei­kvæðri ávöxtun upp á 0,6 pró­sent eða 415 millj­arða norskra króna – um 5.059 millj­arðar íslenskra króna – á fyrstu þremur mán­uðum árs­ins.

„Árs­fjórð­ung­ur­inn ein­kennd­ist af miklum sveiflum á mörk­uðum. Hluta­eignir okkar skil­uðu nei­kvæðri ávöxtun, aðal­lega vegna lækk­ana í tækni­geir­anum,“ sagði Nicolai Tangen, for­stjóri norska olíu­sjóðs­ins, í yfir­lýs­ingu.

Sjóð­ur­inn greindi einnig frá því að norska krónan hafi styrkst gagn­vart nokkrum helstu gjald­miðlum á tíma­bil­inu.

„Geng­is­hreyf­ing­arnar leiddu til lækk­unar á virði sjóðs­ins um 879 millj­arða króna (um 10.712 millj­arða íslenskra króna),“ sagði í yfir­lýs­ing­unni.

Alls lækk­aði virði sjóðs­ins um 1.215 millj­arða norskra króna á fyrsta árs­fjórð­ungi og stóð í 18.526 millj­örðum króna í lok tíma­bils­ins. Þetta sam­svarar um 225.758 millj­örðum íslenskra króna.

Þann 31. mars var 70 pró­sent fjár­muna sjóðs­ins fjár­fest í hluta­bréfum, 27,7 pró­sent í skulda­bréfum, 1,9 pró­sent …