Nýjum reglum fjármálaráðherra um skipan valnefnda til að velja fólk í stjórnir stærstu fyrirtækjanna í eigu ríkisins er meðal annars ætlað að koma í veg fyrir að fólk tengt stjórnmálaflokkum sé skipað í þessi störf. Reglurnar gilda þó aðeins um lítinn hluta fyrirtækja í eigu ríkisins, eða tíu af þeim 33 sem listuð eru upp á vef fjármálaráðuneytisins. Ljóst er þó að fyrirtæki í eigu ríkisins eru miklu fleiri en það, því mörg af þessum 33 upptöldum ríkisfyrirtækjum eiga dótturfélög, og ná nýjar kröfur um valnefndir ekki til þeirra heldur. 

Skoðun Heimildarinnar leiðir í ljós að af þessum tíu fyrirtækjum sem nýju reglurnar taka til eru stjórnir fimm þeirra undir formennsku einstaklinga sem hafa verið virkir í starfi stjórnmálaflokkanna sem skipuðu þá. Sumir eru augljóslega hæfir til að sinna stjórnarstörfum sínum, vegna menntunar og reynslu, á meðan aðrir hafa ekki jafnaugljósa hæfileika sem ráðherrar kunna að hafa litið til við …