Áfyrsta fjórðungi 21. aldar hafa Íslendingar orðið fyrir barðinu á ógnum sem áður töldust ólíklegar eða sjaldgæfar sviðsmyndir. Bankakerfið fór á hliðina, heimsfaraldur kostaði hundruð mannslífa samhliða takmörkunum á ferðafrelsi og eldgosahrina hófst í augsýn frá höfuðborginni. Aðrar og enn alvarlegri ógnir, sem söguleg fordæmi eru fyrir, eru nú vaxandi. Úttekt Heimildarinnar bendir til þess að Íslendingar séu sérstaklega vanbúnir til að mæta þeim.
Hernaðarógn er eitthvað sem Íslendingar hafa aldrei þurft að eiga sjálfir við í nútímasögu landsins. Síðasta ógnin af því tagi var seinni heimsstyrjöldin, sem snerti okkur á fremur vægan hátt og er heldur minnst sem gósentíðar og byrjun mikils uppbyggingarskeiðs í kjölfar hernámsins. Frá lokum styrjaldarinnar, í gegnum kalda stríðið og til dagsins í dag, höfum við svo fyrst og fremst lifað undir verndarvæng Bandaríkjanna. Sá hornsteinn í varnarstefnu Íslands gæti horfið fyrirvaralaust, þar sem sá frambjóðandi sem mælist líklegasti forseti Bandaríkjanna í kosningunum í nóvember hefur lýst því að NATO sé búið spil. Trump telur Bandaríkin „ekki skuldbundin til að verja Ísland ef til þess kæmi“, eins og Ingibjörg Sólrún Gísladóttir, fyrrverandi utanríkisráðherra, túlkar það í samtali við Heimildina. Okkar helstu bandalagsþjóðir utan Bandaríkjanna hafa samt ekki getu til að taka við varnarhlutverkinu. Baldur Þórhallsson, alþjóðastjórnmálafræðingur og sérfræðingur í stöðu smáríkja, segir að án stuðnings Bandaríkjanna séu Evrópa og Ísland berskjölduð: „Það koma skýrslur frá hverju ríkinu á fætur öðru í Evrópu sem segja: Herirnir okkar eru ekki tilbúnir í langtíma stríðsátök. Við myndum tapa stríði við Rússa, við myndum bara tapa því.“
Lítil meðvitund um ógnina
Undanfarna áratugi hefur lítil umræða átt sér stað um öryggis- og varnarmál á Íslandi, þar sem umræðunni og vörnunum sjálfum hefur verið úthýst til Bandaríkjanna. Fyrir Evrópu hefur ástandið frá seinna stríði verið áþekkt, þrátt fyrir að þar séu þjóðir jafnan ekki herlausar líkt og Íslendingar. Bandaríkin, sem burðarstoð NATO, hafa séð að mestu um öryggis- og varnarmál álfunnar í allt að þrjá aldarfjórðunga og sannarlega í auknum mæli frá lokum kalda stríðsins og hruni Sovétríkjanna, en þá varð sú hugsun ráðandi innan Evrópu að stríð á milli stórveldanna voru í raun talin heyra sögunni til. Yfirvöld í Evrópuríkjum drógu þá verulega úr útgjöldum til hernaðar- og varnarmála sinna og nutu þess sem kallað hefur verið arður friðarins (e. peace dividend). Gríðarlegar fjárhæðir losnuðu úr eyrnamerkingu til hergagnaframleiðslu og uppbyggingar og viðhalds varnarinnviða og var í staðinn varið í velferðarkerfi, innviði og aðrar slíkar fjárfestingar. Allt á meðan Bandaríkin stóðu vörðinn.
Nú blasa bæði við nýjar ógnir en einnig skert öryggisnet sem gæti að hluta horfið verði Donald Trump kjörinn forseti í nóvember.
Þjóðarminni Íslendinga um hernám, um her sem gerir menn ríka og um erlenda dáta sem draumur er að dansa við, hefur gert Íslendinga algerlega blinda á varnamál. Hefðum við orðið fyrir hernámi Þjóðverja eða Sovétríkjanna á sínum tíma þá væru viðhorfin önnur og líkari því sem er á hinum norðurlöndunum. Það er náttúrulega hræsni að vera aðili að hernaðarbandalagi og vilja svo ekki taka neinn þátt í vörnum síns eigins land, hvorki í mannskap eða kostnaði. Helst höfum við viljað græða á öllu saman.
a milli Islands og Grænlands Hleraði ferðir Kafbata þar Allur þessi Bunaður gaf Kananum 8 tima Forskot til undirbunings. USA var með Aætlun um að koma fyrir Kjarnorkusprengjum a Islandi an vitundar Islendinga þetta var 1955. Byggt var Hus fyrir Geimslu slikra vopna nærri Flugbraut a vellinum
Sendiherra Bandarikjana i Reykjavik for gagngert til USA til að Afstyra að þessi aform næðu fram að ganga. Hann sagði Mönnum i Wasington að þetta væri Glapræði ef Islendingar kæmust að þessu færi altt i Hnut. Bandariskum her yrði Visað ur landi og Island færi ur NATO. Greinn er til um þetta mal a Googel. Honum tokst að blasa tetta af. USA for sömu leið a Grænlandi i TULE Kjarnorku vopn voru þar alla tið með vitneskju Dana en a Bakvið Heimastjorn Grælands. Utanrikisraðherra Danmerkur Sagði a þingi i Danmörku aðspurður ENGIN Kjarnorkuvopn eru i Herstöð USA i Tule a Grænlandi og hafa ekki verið og verða EKKI. i desember 1968 varð Flugslys við TULI Stödina Velin flutti Kjarnorkuvpn til Tuli. Það var uppistand a þingi Dana. Þetta var slys af ALVARLEGUM toga og menn sem komu að þessu hlutu Banvænan skaða ekki tokst að na öllum sprengum os sumar undir is þar enn. Varnarsamningur við USA fra 1951 er Tvihliða. LÖG NO 110 fra
Alþingi 1951. Hann er aðgengilegur a Netinu. Þegar A reyndi 2006 Helt hann ekki Kaninn for Heim
og Islendingar satu eftir með sart ennið. 18 ar eru fra Lokun Herstöðvar USA. Professor skrifaði Grein her nylega. Hann taldi Varnarsamning fra 1951 Onytt PLAGG
Færeyjingar hafa ekki Hervernd og sofa ROLEGA. Aðild okkar að NATO dugar okkur
Aras a EITT RIKI ER SEM ARAS A ÖLL RIKI NATO. USA eru með 2 Mjög storar Herstöðvar a BRETLANDI 1000 km fra okkur. Lika eru Norðmenn með Herstöðvar i Norður Noregi.
Auðvitað er sorglegt að vita að fjárhæðum til varnarmála væru mun betur varið í eitthvert gagnlegt. En ekki ráðum við brengluðum hugsanagangi einhvers valdasjúks einstaklings.