Í blálok árs 2022 myndaði núverandi forsætisráðherra Ísraels, Benjamin Netanyahu, brothætta ríkisstjórn. Naumur meirihluti upp á fjóra þingmenn, af alls 120 þingmönnum ísraelska þingsins, með samsteypustjórn sjö stjórnmálaflokka. Nú þegar almenningsálit innan Ísraels er byrjað að snúast gegn stríðinu og Netanyahu má sjá bresti í þessu fjölflokkasamstarfi. Samhliða þessu felldi hæstiréttur Ísraels umdeildar breytingar ríkisstjórnarinnar á dómskerfi landsins úr gildi í janúar og málsmeðferð vegna meintrar spillingar Netanyahu heldur loks áfram eftir áralangar tafir. Áframhaldandi stjórnmálaferill hans og samstarf ríkisstjórnarflokkanna er í töluverðri hættu ef að stríðinu á Gaza lýkur sem varpar ljósi á ískyggilega hagsmuni þess efnis að halda stríðinu áfram.
Stjórnarkrísa árum saman vegna spillingarmála Netanyahu
Af vandræðagangi í ísraelskum stjórnmálum er töluverð forsaga, allt aftur til ársins 2018. Í stuttu máli sagt var stjórnarkrísa í Ísrael í um fjögur ár, allt til nóvember 2022, þegar núverandi þing var kosið. Fimm skyndikosningar áttu sér stað á þessu fjögurra …
Athugasemdir (1)