Ásmundur Einar Daðason mennta- og barnamálaráðherra myndi ekki ná inn sem kjördæmakjörinn þingmaður ef kosið yrði í dag og niðurstöður þeirra kosninga yrðu í samræmi við fylgi flokka samkvæmt könnunum Maskínu. Meðaltalsfylgi Framsóknarflokksins í kjördæmi Ásmundar, Reykjavík norður, mældist einungis þrjú prósent á þriðja ársfjórðungi ársins 2023. Flokkurinn fékk 12,3 prósent atkvæða þar í síðustu kosningum, sem fóru fram fyrir rúmum tveimur árum.
Heimildin fékk Maskínu til að taka saman fylgi stjórnmálaflokka eftir kjördæmum. Til að fá marktæka niðurstöðu voru teknar saman allar kannanir sem gerðar voru í hverjum ársfjórðungi fyrir sig.
Aðrir ráðherrar myndu halda sér inni á þingi miðað við núverandi punktstöðu samkvæmt samantektinni, þó nokkrir standi tæpt. Fylgi Framsóknarflokksins í hinu Reykjavíkurkjördæminu, þar sem Lilja D. Alfreðsdóttir, varaformaður flokksins, er oddviti, mælist til að mynda rétt rúmlega sex prósent.
Samfylkingin stærst í fimm kjördæmum
Samfylkingin hefur verið á miklu flugi í fylgiskönnunum undanfarið rúmt ár og mælst …
Athugasemdir (1)