Um daginn var ég að flækjast á netinu, eins og maður gerir, og lenti ég á síðu MailOnline þar sem ég fór af einskærri rælni að skoða grein sem fjallaði um núlifandi afkomendur frægra forsætisráðherra Breta. Og þar á meðal rakst ég á mynd af kátu fólki sem allt var komið af William Gladstone, en hann var forsætisráðherra í samtals 12 ár á árabilinu 1868–1894. Ég vissi það eitt um Gladstone að hann tilheyrði á sínum tíma nýjum flokki Frjálslyndra og þótt hann væri af auðugu fólki kominn barðist hann fyrir jöfnum tækifærum og var svo vinsæll meðal venjulegs fólks að hann var kallaður „William okkar alþýðunnar“ („The People's William“).

Afkomendur „Williams okkar“ eru greinilega hinir hressustu. MailOnline – og aðrar vefsíður sem ég fór svo að róta í – birtu myndir af brosmildu fallegu fólki við leik og ýmis störf og ljóst að fjölskyldan hefur það fínt í Hawarden-kastala, …